Esaia 57:16 - Tosi Tapu

¹⁶ E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Esaia 57:16 ပူးပေါင်းရင်းမြစ်များ

Senesi 6:3

Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu.

Lua tosi a Samuele 24:16

I le mafao o le lima o le aselo ke maumaui a Selusalemi, na fakasemala loa le Eteleno ki le veli lena, ti na pati loa a ia ki le aselo leia na tamate ia le kakai : Kua feauga, taofi lou lima i le lakaga nei. Na ofi le aselo o le Eteleno ki le sasaaga fulumeto a Alavana, tagata Sepusi.

Sopo 12:10

E too e ia i lona lima le laumalie o nea fuli e mauli, Mo le tukumanava o tagata fuli.

Pesalemo 85:5

Ei Atua ko lomatou fakamauli, toe fakamauli matou ! Fakagato lou sausau kia matou !

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 10:24

Tautea au, Eteleno ! kae i le faitotonu, Kae leai i lou sausau, ke aua na ke fakaliliu au ko se nea noa.

Selemia 3:5

Pe taofi loa e ia lona sausau kiate au o lee gato ? Pe taupau loa e ia lona loto veli kiate au o lee gato ? Io, e ke pati fenaaki i lou gutu, kae e leaise gato lau faiaga ! Kua ke masani ai.

Selemia 38:16

Ti na fakapapau fakafufu loa le sau ko Setesiasi kia Selemia, o pati : E mauli le Eteleno, leia kua soli ia kia tatou le mauli ! E leaise kau tamate loa a koe, ti e leaise kau tuku loa a koe ki lima o kau tagata anei ala e loto ki lou mauli.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Epelo 12:9

Tou manatui o tou tamana fakatino : na lotou tautea tatou, ti na tou fakaapaapa kia latou. Pe leaise tonu ke toe lasi ake latatou fakalogo ki le Tamana o laumalie, o tupu ke tou maua le mauli ?