Esaia 57:15 - Tosi Tapu

¹⁵ Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 57:15 ပူးပေါင်းရင်းမြစ်များ

Senesi 21:33

Na to loa e Apalaamo ni tamalisi i Pele-Sepa ; ti na kalagai loa e ia le suafa o le Eteleno, ko le Atua o le lee gato.

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Sopo 22:29

Talie e fakaveli e le Atua a fakatuutuu fuli ala e fia taualuga ; Kae tuku e ia lana tokoi ki leia e taulalo.

Sopo 6:10

Talie e toe loa kiate au se fimalie e tasi, Se fiafia i loto malie o malaia ala e tuku e ia kiate au : Na leaise kau maumaui fua i se aso a fakatotonu a le Maokioki.

Pesalemo 111:9

Na kakau mai e ia le fakamauli ki lona kakai, Na fakatuu e ia lana sai o lee gato : E maokioki mo fakaii lona suafa.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 123:1

Katiko o le fanoga tapu. E kau siki oku mata kiate koe, Leia e ekeeke i le atu lagi.

Pesalemo 138:6

E taualuga le Eteleno : e tio a ia ki le kau agamalu, Ti e iloa e ia mei mamao le kau fia taualuga.

Pesalemo 138:7

Kapau e kau saele i loto malie o le mamae, e ke toe soli mai kiate au le mauli, E ke falo lou lima ki le itaita o oku fili, Ti e fakamauli au e lou lima atamai.

Pesalemo 147:3

E fakamauli e ia latou ala e loto fatifati, E sai e ia olatou lavea.

Pesalemo 34:18

Ka tagi le kau agatonu, e logo le Eteleno, Ti e fakamauli e ia a ia i ona mamae fuli.

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Pesalemo 51:17

Aliki, fakamavaa oku laugutu, Ti e fakasa loa e loku gutu lou fakavikiviki.

Pesalemo 51:19

Ko sakilifisio ala e malie ki le Atua, ko se loto fatifatii : Ei Atua ! e leaise ke tiaki se loto fatifati mo fakasemala.

Pesalemo 83:18

Ke lotou luma ti ke lotou i tuumau, Ke lotou laulaunoa ti ke lotou mamate !

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Pesalemo 93:2

Na fakatuu lou ekeekeaga fakasau talu mei temi mua ; E ke agai talu mei le lee gato mo lee gato.

Pesalemo 97:9

Talie ko koe, Eteleno ! E ke Taualuga i le malama nei katoa, E siki a koe ki aluga o atua fuli.

Pesalemo 99:3

Ke fakamalo ki lou suafa lasi mo fakaii : E maokioki a ia !

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Ekesote 15:18

E sau loa le Eteleno o lee gato !

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Ekesote 40:35

Na leaise mafai ke ulu Moisese ki le falela, talie na tuu le ao i ona aluga, ti na fakaapele e le kololia o le Eteleno le tapenakulo.

Taagapati 16:19

E malie ake le fakataulalo mo latou e agamalu, I le vaevae o se koloa lasi mo le kau fia nealasi.

Taagapati 8:23

Na fakanofo au talu mei le lee gato, I le kamataaga, kae e leikiaise fakatupu le malama nei.

Esaia 18:4

Talie na folafola mai le Eteleno kiate au, o pati : E kau tio fakafulufulumalie mei loku nofoaga, I le vevela gigila o le malama, I le aafu o le sasau, i le temi vevela leia e tuuti ai le fulumeto.

Esaia 33:5

E taualuga le Eteleno, Talie e nofo a ia i aluga ; E fakaapele e ia Sione I le faitotonu mo le maokioki.

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Esaia 52:13

Ko leinei, e manuia loa laku tagata fakasausau ; E pale ake loa a ia ki aluga, e malaga loa a ia ki aluga, e malaga loa a ia o taualuga.

Esaia 6:1

I le fetuu o le mate o le sau ko Osiasi, na kau tio ki le Aliki na eke i se ekeekeaga fakasau taualuga, ti na fakaapele e tapatapa o lona kofu le fale tapu.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Tagi laulau a Selemia 3:41

Tou siki otou loto mo otou lima Ki le Atua leia e nofo i le lagi :

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Taniela 2:11

E faigataa le nea leia e kole e le sau, e leaise feala ke fakasa e se tasi le nea lena ki le sau, e gato tasi ki atua, ala e leaise tuu lolatou nofoaga i lotolotoga o tagata.

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 6:9

Koia e tonu ai ke kotou faikole feneeki : Lomatou Tamana leia e nofo i le atu lagi ! Ke tapusa lou suafa ;

Luka 1:49

Talie na fai e le Mafimafi kiate au ni nea lalasi. E maokioki lona suafa,

Luka 4:18

E iate au le Laumalie o le Aliki, Talie kua fakanofo e ia au ke fakasa ia le logo malie ki le kau mativa ; Na kakau mai e ia au ke fakamauli latou ala kua loto fatifatii,

Gaoi 3:14

Kae ko koutou, na kotou fakafiti ki le Maokioki mo le Agatonu, ti na kotou kole ke fakamauli atu kia koutou se tagata tukipo.

Loma 1:20

Koia, kua lotou tio mata ai ki malilie fakapulipuli o le Atua, mo lona mafimafi, mo lona natula fakaatua, talu mei le kamataaga o le malama nei, mo kapau e lotou tio ki ana gaoi. Koia e leaise lotou maua ai se solaaga.

Lua tosi ki le kau Kolinto 1:4

leia e fakafimalie ia maua i oma mamae fuli, o tupu ke ma mafai ia le toe fakafimalie o latou ala e nonofo i mamae, ki le fakafimalie leia na fakafimalie ai maua e le Atua !

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Lua tosi ki le kau Kolinto 7:6

Kae ko le Atua, leia e fakafimalie ia latou ala kua tiaki ki lalo, na fakafimalie ia maua ki le kaku mai a Tito,

Tetelonome 33:27

Ko le Atua o le lee gato ko se mumuniaga, Ti e maua i lalo o ona lima lee gato se solaaga. I ou mua na kapu e ia le fili, Ti na pati a ia : ke tamate !

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 3:7

Tosi ki le aselo o le Ekelesia o Filatelefia : Ko leinei le nea leia e pati ki ai le Maokioki, le Maoki, leia e nofo mo le kalavi o Tavite, leia e fakamavaa, ti e leaise tapono e se tasi, leia e tapono, ti e leaise fakamavaa e se tasi :

Apokalipisi 4:8

Ko manu mauuli ana e fa na tasi mo ia ni kapakau e ono, ti na lotou apele i mata, i tafa mo loto. Na leaise lotou malolo i le ao mo le po i le pati : Maokioki, maokioki, maokioki le Aliki Atua, le Mafimafi, leia na agai, leia e agai nei, leia e au !

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.