Esaia 57:13 - Tosi Tapu

¹³ Ka ke tagi loa, pe fakamauli loa a koe e ou taulaatua mauke ? E ave loa latou fuli e le matagi, e seu loa latou e se tukumanava. Kae ko leia e fanaki kiate au e maua ia loa le fenua, Ti e maua ia loa loku mauga maokioki.

Esaia 57:13 ပူးပေါင်းရင်းမြစ်များ

Lua tosi o Sau 3:13

Ti na pati loa Eliseo ki le sau o Iselaele : Kolea kua ke au ai kiate au ? Ano ki le kau polofeta o lou tamana mo le kau polofeta o lou tinana. Ti na pati loa le sau o Iselaele kiate ia : Leai ! talie kua fakatasii e le Eteleno a sau anei e toka tolu, o tupu ke soli e ia latou ki lima o Moape.

Sopo 21:18

Ke lotou faipe le mutie leia kua agina i le matagi, Pe le penu leia kua ave e le asesio.

Pesalemo 1:4

E leaise fenaaki le kau agaveli : E lotou faipe le penu leia e viligia i le matagi.

Pesalemo 118:8

E malie ake le afa o se mumuniaga i le Eteleno I le fanaki ki le tagata ;

Pesalemo 125:1

Katiko o le fanoga tapu. Ko latou ala e fanaki ki le Eteleno E tatau mo le mauga o Sione : E leaise siga a ia, E tuu makeke a ia o lee gato.

Pesalemo 37:11

E maua e le kau mativa le fenua, Ti e lotou fiafia lasi i le tokamalie.

Pesalemo 37:22

Talie ko latou ala e tapuaki e le Eteleno e maua ia le fenua ; Ti ko latou ala e fakamalaia e ia e motusi loa.

Pesalemo 37:29

E maua loa e le kau agatonu le fenua, Ti e lotou nonofo loa i ai o lee gato.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 37:9

Talie e motusi loa le kau agaveli ; Kae ko latou ala e amanaki malie ki le Eteleno e maua ia loa le fenua.

Pesalemo 58:9

Ke lotou maua le mauli o le esekaleko ! Leia e malo i lana totolo Ke aua na lotou tio ki le laa ofaipe le toe leia na fanaui kua mate !

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Taagapati 28:25

Ko le tagata fia nealasi e fakatupu ia a fefele, Kae ko leia e fanaki ki le Eteleno e makona.

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Esaia 25:4

Talie na ke liliu ko se tokoi ki le tagata gaegae, Ko se mumuniaga ki le tagata mativa i le mamae, Ko se ulufaga i le afa, Ko se malu i le vevela ; Talie e tatau le tukumanava o le kau tukipo Mo le sasataki leia e taai ia se paa fatu.

Esaia 40:24

Na leaise to fua latou ki le kele, pe na muluki fua latou, Na leikiaise lotou maua foki ni olatou aka i le kele : Kae kua agi le matagi kia latou, ti kua lotou malo ai, Ti kua ave latou e se sasataki ofaipe ni penu.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 65:11

Kae ko koutou, ala e tiaki ia le Eteleno, Ala e galoi ia loku mauga tapu, Ala e fakatuu ia se aletale kia Kate, Ti e fakaapele ia se ipu kia Meni,

Esaia 65:25

E kai fakatasi loa le lupo mo le akeno, E kai loa e le laione le mutie ofaipe le pipi tagata, Kae ko le nea kai a le gata ko le efu. E leaise toe fai loa se veli pe ko se maumau I loku mauga maokioki katoa, E pati le Eteleno.

Esaia 65:9

E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Selemia 22:20

Pale ki le Lipane, o kalaga ! Kalaga leo lasi ki Pasani ! Kalaga i aluga o Apalimi ! Talie kua fatifati latou fuli ala na alofa kiate koe.

Selemia 22:22

E seu loa e le matagi lau kau tausi manu katoa, Ti e ave popula loa latou ala e alofa kiate koe ; Ti e ke luma maoki loa mo matagafua, O tupu ko au agaveli fuli.

Selemia 30:14

Kua galoi a koe e latou fuli ala na alofa kiate koe, E leaise tasi fua koi afa kiate koe ; Talie kua kau taai a koe ofaipe se fili, Io, kua kau tautea fakamakeke a koe, O tupu ko le lasi o au agaveveli, O tupu ko le mauke o au agasala.

Esekiele 20:40

Talie e folafola le Aliki, le Eteleno, o pati : I loku mauga maokioki, i le mauga taualuga o Iselaele, e tausi loa au i ai e le fale katoa o Iselaele, mo latou fuli ala e nonofo i le fenua ; ti e kau tali malie loa latou i ai, ti e kau afa loa akoutou moliga, a uluaki fua o okoutou nea alofa, mo nea fuli ala e kotou momoli mai loa kiate au.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Soele 3:17

Ti e kotou iloa loa ko au ko le Eteleno, lokoutou Atua, Leia e nofo i Sione, loku mauga maokioki. E maokioki loa Selusalemi, Ti e leaise toe fakalaka loa i ai a matapule.

Sakalia 7:13

Ka kalaga loa le Eteleno, na leaise lotou fakalogo : Koia e pati ai le Eteleno : na leaise kau fakalogo kia latou mo ka lotou kalaga mai kiate au.

Tuifakamaau 10:14

Kotou ano, kotou tagi ki atua ala na kotou aga o filifili ; ke lotou saofaki koutou i le temi o lokoutou mamae !