Esaia 57:12 - Tosi Tapu

¹² E kau fakasa loa lou anoaga totonu, Ti e leaise aoga loa au gaoi kiate koe.

Esaia 57:12 ပူးပေါင်းရင်းမြစ်များ

Esaia 29:15

Malaia kia latou ala e fufu ia alatou fakatuutuu, Ke aua na tio ki ai le Eteleno, Malaia kia latou ala e fai ia alatou gaoi i le fakapouli, O pati : Ko ai e tio mai kia tatou ti ko ai e iloa ia tatou ?

Esaia 44:9

Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Esaia 64:5

E motou fai fuli pe ni nea kelekele, Ti e fai lomatou faitotonu katoa pe se kofu kelekele ; E motou fefe fuli ofaipe se lau laakau, Ti e ave matou e amatou agaveli ofaipe le matagi.

Esaia 65:7

O akoutou agaveli, e pati le Eteleno, ti mo agaveli o okoutou tamana, Ala na tutu ia le iseso i aluga o mauga, ti na nukinuki kiate au i aluga o mauga liliki ; E kau fuafua loa kia latou le totogi totonu o alatou gaoi i le temi kua sili.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Selemia 10:11

E kotou masau loa kia latou, o pati : Ko atua ala na leaise fakatupu ia le lagi mo le kele E pupuli loa i le kele mo le lalo lagi.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 51:18

Ko nea noa latou, ko se gaoiaga kaka, E lotou pupuli loa, mo ka kaku mai loa le tautea.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 23:5

E lotou fai alatou gaoi fuli ke tioi e tagata. Koia e lotou ave ai ni tukuaga tosi laulalasi, ti mo ni tapai kie loloa i olatou kofu.