Esaia 56:5 - Tosi Tapu

⁵ E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 56:5 ပူးပေါင်းရင်းမြစ်များ

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 48:19

E fai loa lou sakoga pe le one o le mata tai, Ti ko fua o lou manava pe fiti o le one ; E leaise toe soloi loa lou igoa, pe puli loa i oku mua !

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 56:7

E kau ave loa latou ki loku mauga maokioki, Ti e kau fakafiafia loa olatou loto i loku fale faikole ; E tali loa alatou failaulau mo alatou sakilifisio i loku aletale ; Talie e fakaigoa loa loku fale ko se fale faikole ki kakai fuli.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 62:2

Ti e tio loa a atu puleaga ki lou fakamauli, Ti mo sau fuli ki lou kololia ; Ti e fakaigoa loa a koe ki se igoa foou, Leia e filifili loa e le gutu o le Eteleno.

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Esaia 66:22

Talie, ofaipe le lagi foou Mo le kele foou ala ka kau fakatupu loa E tutuu loa i oku mua o lee gato E tutuu loa lokoutou sakoga mo lokoutou igoa i oku mua o lee gato.

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Efeso 2:22

Iate ia kua fau foki koutou ke liliu ko se nofoaga o le Atua i le Laumalie.

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.

Apokalipisi 3:5

Ko leia e malo loa, e fakakofu loa a ia ki ni kofu tetea ; e leaise kau soloi loa lona igoa i le tosi o le mauli, ti e kau fakasa loa lona igoa i mua o loku Tamana ti mo mua o ana kau aselo.

Uluaki tosi a Samuele 1:8

Na pati loa Elekana, lona avaga, kiate ia : Ana, kolea e ke tagi ai, kolea e leaise ke kai ai ? Kolea e mamae ai lou loto ? Pe leaise kau mauiga ake kiate koe i ni vosa e kau agafulu ?