Esaia 56:4 - Tosi Tapu

⁴ Talie e folafola le Eteleno : Ki le kau enuke ala e tausi ia loa oku sapato, Ala e filifili ia loa le nea leia e malie kiate au, Ti e too mau ia loa laku sai :

Esaia 56:4 ပူးပေါင်းရင်းမြစ်များ

Lua tosi a Samuele 23:5

Pe leaise fenaaki loku fale i mua o le Atua, Talie kua fai e ia mo au se sai lee gato, Leia kua fakatuutuu ona lekula fuli ke taupau ia a ia ? Pe leaise fakasomo loa e ia loku fakamauli katoa mo oku oli fuli ?

Pesalemo 119:111

Kua liliu au pelesepeto ko loku tofiga o lee gato, Talie ko le fiafiaaga latou o loku loto.

Pesalemo 25:10

Ko ala fuli o le Eteleno e manava alofa ti e agatonu Kia latou ala e tausi ia lana sai mo ana folafola.

Esaia 27:5

Kae kapau e lotou too au ko se mumuniaga, Ti kapau e lotou afa le tokamalie mo au, Io, mo kapau e lotou afa le tokamalie mo au, Ti e leaise kau tutu loa latou.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 56:2

Manuia le tagata leia e fai ia le nea lena, Ti mo le vosa o le tagata leia e tuu makeke i ai, O tausi le sapato, ke aua na maumaui a ia, Ti mo tokaga ki lona lima, ke aua na fai se nea veli !

Esaia 56:6

Ti ko le kau matapule, ala e pipiki loa ki le Eteleno o tausi kiate ia, O alofa ki le suafa o le Eteleno, O liliu ko ana tagata fakasausau, Ko latou fuli ala e tausi ia loa le sapato, Ke aua na maumaui a ia, Ti e too mau ia loa laku sai,

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Luka 10:42

kae ko le nea fai e tasi e aoga. Ti kua filifili e Malia le vaega malie, leia e leaise toe too loa iate ia.

Epelo 6:17

Koia, i le loto o le Atua ke fakasa lasi kia latou ala e tonu ke maua ia le tofiga o le fakapapau, e leaise toe fetogi loa e ia lana fakapapau, ti na fakamaoki loa e ia a ia ki se sai,

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.