Esaia 56:2 - Tosi Tapu

² Manuia le tagata leia e fai ia le nea lena, Ti mo le vosa o le tagata leia e tuu makeke i ai, O tausi le sapato, ke aua na maumaui a ia, Ti mo tokaga ki lona lima, ke aua na fai se nea veli !

Esaia 56:2 ပူးပေါင်းရင်းမြစ်များ

Neemia 13:17

Na kau fai loa ni valoki ki le kau lalasi o Suta, ti na kau pati loa kia latou : Kolea le nea veli leinei kua kotou fai, o kotou maumaui le aso o le sapato ?

Pesalemo 106:3

Manuia latou ala e tausi ia le lao, ala e fai ia le faitotonu i temi fuli !

Pesalemo 112:1

Kotou fakafetai ki le Eteleno ! Manuia le tagata leia e i ki le Eteleno, Leia e maua ia se fiafia lasi i ana fakatotonu.

Pesalemo 119:101

E kau taofi loku vae ke mamao i ala veveli fuli, O tupu ke kau tausi lau folafola.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 34:14

Ke ke taofi lou alelo i le veli, Mo ou laugutu i masau kaka.

Pesalemo 37:27

Ke ke maliu kese i le veli, fai le malie, Ti ke ke maua lou nofoaga o lee gato.

Ekesote 20:10

Kae ko le fitu o aso ko le aso malolo a ia o le Eteleno, lou Atua : e leaise ke toe fai loa se gaoi, tatau fai a koe, mo lou vosa, mo lou taine, mo lau tagata fakasausau, mo lau fafine fakasausau, mo lau manu, ti mo le matapule leia e nofo i lou lotoa.

Ekesote 20:8

Manatui le aso o le sapato, o fakamaokioki a ia.

Taagapati 14:16

E i le tagata poto ki le veli, o fakamamao mei ai, Kae e masau matasoka le vale talie e fanaki a ia kiate ia.

Taagapati 16:17

Ko le ala o le kau agatonu, ko le tiaki o le veli ; Ko leia e taupau ki lona laumalie e tokaga ki lona ala.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 4:13

Taofi ke mau le akonaki, aua na ke tuku a ia ; Kukumi mau a ia, talie ko lou mauli a ia.

Taagapati 4:27

Aua na ke maliu ki le fetuu atamai pe ko le fetuu sema, Ti fakamamao lou vae i le veli.

Ekelesiasi 7:18

E malie ke ke taofi mau le tasi, ti aua na tiaki leia, talie ko leia e i ki le Atua e leaise tonu ke vilo ki nea fuli ana.

Esaia 56:4

Talie e folafola le Eteleno : Ki le kau enuke ala e tausi ia loa oku sapato, Ala e filifili ia loa le nea leia e malie kiate au, Ti e too mau ia loa laku sai :

Esaia 56:6

Ti ko le kau matapule, ala e pipiki loa ki le Eteleno o tausi kiate ia, O alofa ki le suafa o le Eteleno, O liliu ko ana tagata fakasausau, Ko latou fuli ala e tausi ia loa le sapato, Ke aua na maumaui a ia, Ti e too mau ia loa laku sai,

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Esekiele 20:12

Ti na kau soli foki kia latou oku sapato ofaipe se fakamailoga iate au mo latou, o tupu ke lotou iloa ko au ko le Eteleno leia e fakamaokioki ia latou.

Esekiele 20:20

Kotou fakatapui oku sapato, ti ke lotou liliu ko se fakamailoga iate au mo koutou, o tupu ke iloa ai ko au ko le Eteleno, ko lokoutou Atua.

Levitiko 19:30

Kotou tausi loa aku sapato, ti kotou fakaapaapa loa ki loku sagatualio. Ko au ko le Eteleno.

Luka 11:28

Kae na tali loa Sesu : Manuia ake latou ala e logo ki le folafola a le Atua, ti e lotou taupau a ia !

Luka 12:43

Manuia le tagata fakasausau lena, mo ka au loa lona pule, o maua mai a ia e fai fenaaki !

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !