Esaia 56:12 - Tosi Tapu

¹² Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Esaia 56:12 ပူးပေါင်းရင်းမြစ်များ

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Pesalemo 10:6

E pati a ia i lona loto : E leaise kau siga, Ti e leaise toe kaku mai se malaia kiate au !

Taagapati 20:1

E gologolo le vino, ti e logoa a kava makeke ; Ko leia e fakavalevale ki ai e leaise poto.

Taagapati 23:35

E ke pati loa : Na ta au… kae e leaise kau maemaeia !… Na sasa au… kae e leaise kau logoi se nea !… E kau ala fakaa loa ?… koi kau fia inu !

Taagapati 27:1

Aua na ke viki a koe o uiga mo le aso apogipogi, Talie e leaise ke iloa le nea leia e mafai ke fanaui e lena aso.

Ekelesiasi 2:24

Ko le nea e tasi e fiafia ai le tagata : ko le kai, mo le inu, ti mo le fakafiafia o lona laumalie ki le fua o lana gaoi ; kae na kau tio foki ko le Atua leia e soli ia le nea lena.

Esaia 5:11

Malaia kia latou ala e makape usuusu o afa ni kava makeke, Ti e fakaoki tausala lalatou inu vino i le pouli !

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Esaia 5:22

Malaia kia latou ala e makeke i le inu vino, Ti e fia tagata i le filo o kava makeke ;

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Oseo 4:11

E fakatupu ulu vale le faifeauaki, mo le vino, mo le kava.

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Uluaki tosi ki le kau Kolinto 15:32

Kapau ko ni tio fakatagata ala na kau tau ai ki manu fekai i Efeso, kolea lona aoga mai kiate au ? Kapau e leaise toe tuuake le kau mate, Tou kai ti tou inu, talie e tou mamate loa apogipogi.

Tito 1:7

Talie e tonu ke lee sala le epikopo, ofaipe se tagata taupau koloa a le Atua ; ke aua na fia nealasi a ia, mo itaita, mo inu kava, mo agamakeke, mo manumanu ki koloa fakalumaluma,