Esaia 56:10 - Tosi Tapu

¹⁰ E kivi fuli ona tagata leo, sala atamai ; Ko latou fuli ko ni kuli gutu mate, ala e leaise mafai ke ko ; E lotou maua ni moe miti, e lotou momoe i lalo, E lotou manako ki le moe.

Esaia 56:10 ပူးပေါင်းရင်းမြစ်များ

Lua tosi o Sau 12:6

Kae na soko loa, i le kau lua tupu tolu fetuu o le sau o Soasi, na leaise fau fua e tagata faisakilifisio a potu ala na tonu ke fau.

Esaia 29:10

Talie kua liligi e le Eteleno kia koutou se laumalie o le tulemoe ; Ti kua tapono e ia okoutou mata, kau polofeta, Ti kua puloui e ia okoutou ulu, kau faikikite.

Esaia 29:9

Ke kotou ofolele ti ke kotou fakaualoa ! Ke kotou tapono okoutou mata ti ke kotou liliu o kivi ! E lotou konana, kae e leaise tupu ko le vino ; E lotou titipa, kae e leaise tupu ko kava makeke.

Esaia 52:8

E tatagi le leo o au kau tagata leo ; E lotou siki olatou leo ki aluga, E lotou fai fakatasi ni kalaga nekenekea ; Talie e lotou tio ki olotou mata totonu E aumai Sione e le Eteleno.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Tagi laulau a Selemia 4:14

Kua lotou sese i ala ofaipe ni kivi, Kua lotou kelekele fuli i le toto ; E leaise koi feala Ke fafa ki olatou kofu.

Esekiele 13:16

Ti kua oki mo latou ala na fakamomole ia a ia, Le kau polofeta o Iselaele ala na kikite ki Selusalemi, Ti na maua ia ni tio o le tokamalie kiate ia, Kae e leai fua se tokamalie kiate ia ! E folafola le Aliki, le Eteleno.

Esekiele 33:6

Kapau e tio le tagata leo ki le au o le seleta, kae e leaise pupusi e ia le fakatagi pupusi ; kapau na leaise valoki le kakai, ti kapau e au le seleta o too le mauli o se tasi, e mate loa le tagata lena o tupu ko lana agaveli, kae e kau afa loa lona toto ki le tagata leo.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Naume 3:18

E tulemomoe au tagata tausi manu ; E malolo au tagata tau makeke ; Kua mavete lou kakai i atu mauga, Ti e leaise tasi e fakatasi ia a ia.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Filipe 3:2

Kotou tokaga ki kuli, kotou tokaga ki tagata gaoi veveli, kotou tokaga ki le kau silikosisio loi.