Esaia 55:7 - Tosi Tapu

⁷ Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 55:7 ပူးပေါင်းရင်းမြစ်များ

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 15:4

Kae i le temi o lolatou mamae na lotou toe liliu ki le Eteleno, le Atua o Iselaele, ti na lotou afa a ia, ti na lotou maua a ia.

Lua tosi o Koloniko 30:6

Na ano loa a tagata avelogo mo tosi a le sau mo lana kau pule i Iselaele katoa mo Suta. Ti na lotou mulimuli loa ki le fakatotonu a le sau, o lotou pati : Fanau a Iselaele, kotou toe liliu mai ki le Eteleno, le Atua o Apalaamo, mo Isaake, ti mo Iselaele, o tupu ke toe maliu mai a ia kia koutou, ga toetoega leia na sao mei lima o le sau o Asilia.

Lua tosi o Koloniko 33:13

Na fai loa e ia ni kole kiate ia ; ti na fakamaluu loa e le Eteleno lona loto, o tali ana kole, ti mo toe aumai loa a ia ki Selusalemi ki lona puleaga. Ti na iloa loa e Manase ko le Eteleno toka tasi e Atua.

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Sopo 22:23

E toe fakatuu loa e ia a koe ofai pe mua Mo ka ke tafoki ki le Mafimafi, Mo ka ke fakamamao le agaveli i lou falela.

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 130:7

Iselaele, tuku lau amanaki malie ki le Eteleno ! Talie e maua le manava alofa i tafa o le Eteleno, Ti e maua foki le totogi i ona tafa.

Pesalemo 51:1

Ki le pule o le kau sua. Pesalemo a Tavite.

Pesalemo 66:18

Ka na kau fai ni manatu veveli i loku loto, Na leaise tali loa e le Aliki laku kole.

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 1:19

Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 21:12

Ti e tali le tagata leo : E au le usu, ti mo le pouli foki. Kapau e kotou fia vesili, kotou vesili ; Kotou tafoki, ti kotou toe au.

Esaia 31:6

Fanau a Iselaele, Kotou toe liliu mai ki leia na kotou agatuu veli ki ai !

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 58:6

Ko leinei le sesunio leia e kau fiafia ai : Vevete a tini o le agaveli, Tatala a sai o le popula, Tuku ke lauatea latou e mafaia, Ti ke motusi a amoga kesekese fuli.

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Tagi laulau a Selemia 3:40

Tou toe afa otou ala, ti tou asiasii latou, Ti tou toe liliu ki le Eteleno.

Esekiele 14:6

Koia, ke ke pati ki le kakai o Iselaele : E folafola le Aliki, le Eteleno : Kotou toe fakasemala, ti kotou tafoki i okoutou taulaatua ; kotou tafoki okoutou mata i akoutou nea fakalialia fuli !

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sakalia 8:17

Aua na maua e se tasi i lona loto se manatu veli ki lona oloi, ti ke aua na kotou fakamaoki loi, talie e kau fakalialia ki nea fuli ana.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Maleko 7:21

Talie mei loto, mei le loto o tagata, e au mei ai a manatu veveli, mo tono, mo feauaki, mo tukipo,

Maleko 7:23

E au a nea veveli fuli ana mei loto, ti e lotou fakakelekele ia le tagata.

Luka 15:10

Koia e kau pati atu ai kia koutou : e i ai se fiafia i mua o le kau aselo o le Atua i se tagata agasala e toka tasi leia e fakasemala.

Luka 15:24

talie ko loku vosa leinei na mate, ti kua toe mauli a ia ; na puli a ia, ti kua toe maua a ia. Ti na lotou kamata fakafiafia loa.

Luka 7:47

Koia e kau pati atu ai kiate koe, kua fakamolemole ana agasala ala na lasi ai ; koia leia na alofa lasi ai a ia. Kae ko leia e fakamolemole ikiiki ki ai e alofa ikiiki.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Sakopo 1:15

Ti ka faitoe le oli, e fanaui loa e ia le agasala ; ti ka katoa le agasala, e fanaui loa e ia le mate.