Esaia 55:6 - Tosi Tapu

⁶ Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Esaia 55:6 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 19:3

Kae na maua e ia iate koe ni nea malilie, talie na ke fakapuli i le fenua a taulaatua, ti na ke afa le Atua i lou loto katoa.

Esetalasi 10:2

Ti na masau loa Sekania, vosa o Seiele, mei le sakoga o Elame, o pati kia Esetalasi : Kua motou agasala ki lomatou Atua, o tupu ko lamatou avaga mo ni fafine matapule, ala e kau ki le kakai o le fenua. Kae e leaise sala amanaki malie Iselaele i le nea lena.

Sopo 8:5

Kae ko koe, kapau e ke afa le agai o le Atua, Kapau e ke fai lau kole ki le Mafimafi,

Pesalemo 14:2

E tio le Eteleno mei aluga o le lagi ki vosa o le tagata, Ke tio ki se tasi leia e atamai, Leia e afa ia le Atua.

Pesalemo 145:18

E ofi le Eteleno kia latou fuli ala e fetapa kiate ia, Kia latou fuli ala e fetapa kiate ia i le maoki.

Pesalemo 148:14

Na toe lagai e ia le makeke o lona kakai : Koia e fakafetai ai kiate ia lona kakai agatonu katoa, A fanau a Iselaele, le kakai leia e nofo i ona tafa. Kotou fakafetai ki le Eteleno !

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 32:6

Koia ke faikole kiate koe a tagata agatonu fuli i le temi faigamalie ! Kapau e puke ni vai lalasi, e leaise lotou kaku loa kia latou.

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Pesalemo 75:1

Ki le pule o le kau sua. Aua na ke maumaui. Pesalemo a Asafe. Katiko.

Pesalemo 95:7

Talie ko ia ko lotatou Atua, Ti ko tatou ko le kakai o lona lotoa manu, Le kau ovi leia e taki e lona lima… Io, i le aso nei kapau e mafai ke kotou logo ki lona leo !

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 26:9

E oli loku laumalie kiate koe i le pouli, Ti e afa loku loto kiate koe iate au ; Talie ka fai au fakamaau ki le malama nei, E ako e le kakai o le malama nei le faitotonu.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Esaia 58:9

Ti e ke kalaga loa, ti e tali atu loa le Eteleno kiate koe, E ke tagi loa, ti e pati loa a ia : Ko leinei au ! Kapau e ke fakamamao iate koe le kavega mamafa, Le ta fakaitaita o lima, ti mo le masau lauveli,

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Selemia 25:5

Na lotou pati : Kotou tasi tafoki mai mei lona ala veli, mei le agaveli o akoutou gaoi, ti e kotou nonofo loa i le fenua leia na kau soli kia koutou mo okoutou tamana, mei tautupu ki tautupu.

Selemia 33:3

Fetapa mai kiate au, ti e kau tali atu loa kiate koe ; E kau fakasa loa kiate koe ni nea lalasi, ni nea fakapulipuli, Ala e leaise ke iloa.

Esekiele 14:6

Koia, ke ke pati ki le kakai o Iselaele : E folafola le Aliki, le Eteleno : Kotou toe fakasemala, ti kotou tafoki i okoutou taulaatua ; kotou tafoki okoutou mata i akoutou nea fakalialia fuli !

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 8:6

Ti na pati mai loa a ia kiate au : Vosa o le tagata, pe ke tio ki le nea leia e lotou fai, ki nea fakalialia lalasi ala e fai i leinei e le fale o Iselaele, o tupu ke kau fakamamao i loku sagatualio ? Kae e ke tio loa ki ni iki a nea fakalialia lalasi ake.

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Oseo 10:12

Kotou muluki le fakaili o mulimuli ki le faitotonu, Kotou tuuti le fulumeto o mulimuli ki le manava alofa, Kotou faala sokoutou faisaga foou ! Ko le temi leinei ke afa ai le Eteleno, O kaku ki lana saele mai, o liligi kia koutou le faitotonu.

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Sonasi 3:8

Ke kofu e tagata mo manu ni taga, ti ke lotou tagi ki le Atua i lolatou makeke katoa, ti ke lotou tafoki fuli mei olatou ala veveli mo alatou gaoi fakamakeke ala na agasala ai olatou lima !

Mateo 5:25

Fakatokatoka vave mo lou fili i le temi leia e kolua ano ai i le ala, o tupu ke aua na ave loa e ia a koe ki le tui fakamaau, ti ke aua na ave loa a koe e le tui fakamaau ki le ofisa, ti ke aua na ave loa a koe ki le pilisoni.

Luka 13:25

Ka tuu loa le pule o le fale, o tapono le matapa, ti ko koutou, ala e tutuu loa i fafo, e fitifiti loa i le matapa, o pati : Aliki, Aliki, fakamavaa mai kia matou ! E tali atu loa a ia kia koutou : E leaise kau iloa pe ko koutou meifea !

Soane 8:21

Na toe pati foki Sesu kia latou : E kau ano, ti e kotou afa loa au, ti e kotou mamate loa i lakoutou agasala ; e leaise mafai ke kotou au ki le ganea leia e kau ano ki ai.

Efeso 3:13

Koia e kau kole ai kia koutou ke aua na kotou loto gaegae o tupu ko mamae ala e kau tali ia o tupu ko koutou : ko lokoutou kololia latou.

Tetelonome 4:29

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.

Tetelonome 4:7

Talie ko ai le puleaga lasi leia e maua ia ni atua ala e nofo ofi mo ia o tatau mo le Eteleno, lotatou Atua, leia e ofi kia tatou i temi fuli ala e tou fetapa ai kiate ia ?

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;

Epelo 3:13

Kae kotou feakonakiaki ia koutou i aso taki tasi, i le temi katoa koi mafai ai ke pati : I le aso nei ! talie ke aua na fakafefeka se tasi o koutou e le kaka o le agasala.