Esaia 55:3 - Tosi Tapu

³ Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 55:3 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Lua tosi a Samuele 23:5

Pe leaise fenaaki loku fale i mua o le Atua, Talie kua fai e ia mo au se sai lee gato, Leia kua fakatuutuu ona lekula fuli ke taupau ia a ia ? Pe leaise fakasomo loa e ia loku fakamauli katoa mo oku oli fuli ?

Lua tosi a Samuele 7:29

Koia ke ke alofa o tapuaki ki le fale o lau tagata fakasausau, o tupu ke tuu mau a ia i ou mua o lee gato ! Talie ko koe, ei Aliki Eteleno, kua ke masau, ti e tapuakina loa le fale o lau tagata fakasausau o lee gato, o tupu ko lau tapuaki.

Lua tosi o Koloniko 6:42

Eteleno Atua, aua na ke tekei lau filifiliia, ke ke manatui a kalasia fuli ala na ke tuku kia Tavite, lau tagata fakasausau !

Pesalemo 119:112

E kau peluki loku loto o fai lou finegalo, I aso fuli, o kaku ki le gatoaga.

Pesalemo 119:175

Ke mauli loku laumalie ti ke fakafetai a ia kiate koe ! Ti ke poupou au e au fakamaauaga !

Pesalemo 78:1

Katiko a Asafe. Ei loku kakai, fakalogo mai ki aku akonaki ! Tuku mai lou taliga ki masau o loku gutu !

Pesalemo 89:28

Ti ko au, e kau fakaliliu loa a ia ko le uluaki tupu, Ko le sau taualuga lasi i sau o le malama nei.

Pesalemo 89:29

E kau taupau tuumau loa kiate ia loku agamalie, Ti e agatonu loa laku sai kiate ia ;

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Taagapati 4:20

Ei loku vosa, tokaga ki aku masau, Fakalogo lou taliga ki aku akonaki.

Taagapati 7:2

Tausi aku pelesepeto, ti e ke mauli loa ; Taupau aku akonaki ofaipe le fa tiloga o ou fa mata.

Esaia 51:4

Ei loku kakai, tokaga ! Ei loku puleaga, fakalogo mai lou taliga ! Talie e ulu atu loa le lao iate au, Ti e kau fakatuu loa laku lao ke liliu ko le malama o kakai.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 61:8

Talie ko au, le Eteleno, e kau alofa ki le faitotonu, E kau vesia ki le kaia mo le agaveli ; E kau soli loa kia latou lolatou fakapale totonu, Ti e kau fai loa mo latou se sai lee gato.

Selemia 30:9

E lotou tausi loa ki le Eteleno, lolatou Atua, Ti mo Tavite, lolatou sau, leia e kau lagai loa kia latou.

Selemia 32:40

E kau fai loa mo latou se sai lee gato, E leaise kau toe mafuli kese loa ia latou, E kau fai loa kia latou le nea leia e malie ; Ti e kau tuku loa ki olatou loto le i kiate au, O tupu ke aua na lotou fakamamao iate au.

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Selemia 38:20

Ti na tali loa Selemia : E leaise tuku loa a koe kia latou. Fakalogo ki le leo o le Eteleno i le nea leinei kua kau fakasa kiate koe ; e ke maua loa i ai le malie, ti e ke mauli loa.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Esekiele 16:60

Kae e kau toe manatui loa laku sai mo koe i le temi o lou ikiiki, ti e kau toe fai loa mo koe se sai lee gato.

Esekiele 34:24

Ti ko au, le Eteleno, e kau liliu loa ko lolatou Atua, ti e nofo loa laku tagata fakasausau ko Tavite ko le aliki ia latou. Ko au, le Eteleno, kua kau masau.

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Esekiele 37:26

E kau fai loa mo latou se sai o le tokamalie, ti e i ai loa se sai lee gato mo latou : e kau fakanofo loa latou i ai, ti e kau liuliuga loa latou, ti e kau fakatuu loa loku fale tapu i loto malie o latou ki le lee gato.

Levitiko 18:5

Kotou tausi loa aku lao mo aku fakatotonu : ko le tagata leia e fai ia loa latou e mauli loa ia latou. Ko au ko le Eteleno.

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Mateo 11:28

Kotou au kiate au, koutou fuli ala e gagae mo mafaia, ti e kau soli atu loa kia koutou se malolo.

Mateo 13:16

Kae manuia okoutou mata, talie e lotou tio, ti mo okoutou taliga, talie e lotou logo !

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Soane 6:37

Ko latou fuli ala e soli mai kiate au e loku Tamana e au loa kiate au, ti e leaise kau tuku loa ki fafo leia e au kiate au ;

Soane 7:37

I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Soane 8:47

Ko leia e tupu mei le Atua e fakalogo a ia ki folafola a le Atua ; e leaise kotou fakalogo, talie e leaise kotou tupu mei le Atua.

Gaoi 13:34

Ti e fakasa foki i se tasi ake ganea e toe fakatuuake e ia a ia mei le kau mate, o tupu ke aua na pala lona tino, o pati : E kau soli loa kia koutou a kalasia ala na fakapapau kia Tavite, a kalasia maoki mo lee gato.

Loma 10:5

Koia na fakasa ai e Moisese le faitotonu leia e au mei le lao : Ko le tagata leia e fai ia a nea ana, e mauli loa ia latou.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,