Esaia 55:2 - Tosi Tapu

² Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Esaia 55:2 ပူးပေါင်းရင်းမြစ်များ

Pesalemo 22:26

E ke liliu loa ko le tupuaga o aku fakafetai i le fakatasi lasi. E kau fakasoko loa aku fakapapau i mua o latou ala e i kiate koe.

Pesalemo 34:11

E pakupaku ti e fia inu a uviki laione, Kae e leaise puli se nea kia latou ala e afa ia le Eteleno.

Pesalemo 36:8

E lasi ai lou agamalie, ei Atua ! E afa e vosa o le tagata se mumuniaga i le malu o ou kapakau.

Pesalemo 63:5

E kau fakamalo loa kiate koe i loku mauli katoa, E kau siki loa oku lima i lou suafa.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Taagapati 1:33

Kae ko leia e fakalogo kiate au e malolo loa i le tokamalie, E mauli loa a ia i le fimalie ti e leaise toe tuania loa e ia se nea veli.

Taagapati 7:23

O kaku ki le ulu o se gasau ki lona ate, Ofaipe le manu lele leia e oso ki le kupega, Kae e leaise iloa e ia ko le fakaokiaga o lona mauli.

Taagapati 8:32

I le aso nei, ei oku vosa, kotou fakalogo mai kiate au ! Ti e manuia latou ala e tausi ia oku ala !

Taagapati 9:5

Kotou au, kotou kai ki laku pane, Ti kotou inu ki le vino leia na kau sui ;

Ekelesiasi 6:2

E soli e le Atua ki se tagata ni koloa, mo ni nea malilie, ti mo le kololia, ti e maua e lona laumalie a nea fuli ala e oli ki ai, kae e leaise tuku e le Atua kiate ia ke fiafia i ona koloa, ko se tasi kese leia e fiafia loa i ona koloa. Ko se vaiga a ia ti ko se nea veli lasi.

Esaia 1:19

Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Esaia 10:27

I le aso lena, e too loa e ia lana amoga i lou tuauma, Ti mo lana laakau taki i lou ua Ti e maumaui loa e ia le laakau taki i lou ua.

Esaia 25:6

Kua teuteu e le Eteleno o kau tau ki kakai fuli, i le mauga leinei, Se kaitasi o ni nea kai malilie, Se kaitasi o ni vino matua, Mo ni kanoi manu malilie mo gako, Mo ni vino matua, kua mea malie.

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Esaia 51:4

Ei loku kakai, tokaga ! Ei loku puleaga, fakalogo mai lou taliga ! Talie e ulu atu loa le lao iate au, Ti e kau fakatuu loa laku lao ke liliu ko le malama o kakai.

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Esaia 62:8

Na fakapapau a ia i lona lima atamai ti mo lona lima makeke : E leaise kau toe soli loa lau fulumeto ke kai e ou fili, Ti e leaise toe inu loa e vosa o le matapule lau vino, Fua o au gaoi ;

Esaia 62:9

Kae ko latou ala e tanaki ia loa le fulumeto e kai ia loa a ia Ti e fakafetai loa ki le Eteleno, Ti ko latou ala na tau ia le vite e inu ia loa le vino I lotoa o loku sagatualio.

Esaia 65:23

E leaise lotou gaoi loa ki le noa, Ti e leaise lotou maua loa ni fanau ke tio ki lolatou mamate ; Talie e lotou liliu loa ko se lanu tapuakina e le Eteleno, Ti e nonofo loa alatou fanau mo latou.

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 17:24

Kapau e kotou fakalogo mai kiate au, e pati le Eteleno, Kapau e leaise kotou fakaulu ni amoga I matapa o le kolo leinei i le aso o le sapato, Kapau e kotou fakatapu le aso o le sapato, Ti e leaise kotou fai se gaoi i le aso lena,

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 31:14

E kau fakamakona loa ki le gako le laumalie o le kau faisakilifisio, Ti e makona loa loku kakai i aku nea malilie, e pati le Eteleno.

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 8:7

Talie na lotou muluki le matagi, e lotou kai loa le afa ; E leaise lotou maua loa se taulu fulumeto e tasi ; Ko le nea leia e somo ake loa e leaise maua loa i ai se falina ; Ti kapau e maua loa se falina, e kai loa a ia e le kau matapule.

Apakuki 2:13

Ko leinei, kua fakapapau le Eteleno o kau tau : E gaoi a kakai ki le afi, E pakia noa a atu puleaga.

Mateo 15:9

E maumau noa lalatou fakavikiviki kiate au, Talie e lotou tuku ni lekula fakatagata ofaipe ni pelesepeto meiate au.

Mateo 22:4

Na toe kakau loa e ia ni iki ake tagata fakasausau, o pati : Kotou pati ki le kau fakaafe : Ko leinei kua kau teuteui laku kaitasi ; kua tamate aku pipi tagata mo aku manu pepeti, ti kua tokamalie a nea fuli, kotou au ki le kaitasi.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Maleko 7:14

Na toe kalagai loa e ia le kakai kiate ia, o pati : Kotou fakalogo fuli mai kiate au, ti kotou matala.

Luka 15:23

Ti kotou aumai le uviki pipi peti, ti kotou tamate a ia. Tou kai ti tou fiafia ;

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Loma 9:31

kae ko Iselaele, leia na afa ia se lao o le faitotonu, na leaise kaku ki le lao lena.

Tetelonome 11:13

Kapau e kotou fakalogo ki aku folafola ala e kau tuku kia koutou i le aso nei, kapau e kotou alofa ti mo kotou tausi le Eteleno, lokoutou Atua, i lokoutou loto katoa mo lokoutou laumalie katoa,

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.