Esaia 55:13 - Tosi Tapu

¹³ E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 55:13 ပူးပေါင်းရင်းမြစ်များ

Pesalemo 96:12

Ke fiafia le ulufenua mo nea fuli i ai, Ke kalaga fakafiafia a laakau fuli o vaomatua,

Esaia 19:20

E liliu loa a ia ko se fakamailoga mo se fakamaoki ki le Eteleno o kau tau I le fenua o Esipito ; E lotou tagi loa ki le Eteleno o tupu ko le kau fakamakeke, Ti e kakau loa e ia kia latou se tasi leia ke fakamauli mo malui ia latou.

Esaia 32:13

I le kele o loku kakai Kua tupu a laakau talatala mo vao sukisuki, I fale fakafiafia fuli O le kolo o le fiafia.

Esaia 35:1

E fiafia loa le toafa mo le fenua kaka ; E fiafia loa le fenua lavaki, ti e se loa a ia ofaipe se nalesise ;

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 41:19

E kau tuku loa i le toafa le sete, mo le akasia, Le mila mo le olive ; E kau tuku loa i le potu kele kaka Le sipele, mo le oleme, ti mo le pui, fakatasi fuli ;

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 5:6

E kau tuku loa a ia ke lusa ; e leaise toe koti loa ona laa, pe toe fai loa ki ai se gaoi ; E sosomo loa a vao mo malualoi i ai ; Ti e kau fakatotonu loa ki ao, Ke aua na lotou toe fakato ia se ua ki ai.

Esaia 54:10

Talie e pupuli loa a mauga, Ti e sisiga loa a mauga liliki, Kae e leaise puli loa loku alofa kiate koe, Ti e leaise fetogi loa laku sai o le tokamalie, E pati le Eteleno, leia e alofa kiate koe.

Esaia 56:5

E kau soli loa i loku fale mo oku paa se nofoaga ti mo se igoa E malilie ake i ni vosa ti mo ni taineliki ; E kau soli loa kia latou se igoa lee gato, Leia e leaise toe mate loa.

Esaia 60:13

E au loa kiate koe le kololia o Lipane, Le sipele, mo le oleme ti mo le pui, latou fuli fakatasi, Ke teuteu ai loku sagatualio, Ti e kau fakakololia loa le ganea leia e malolo ai oku vae.

Esaia 60:17

E kau aumai loa kiate koe le aulo ke fetogi ai le sila, Le paaga ke fetogi ai le ukamea, Le sila ke fetogi ai le papa, Le ukamea ke fetogi ai a fatu ; E kau tuku loa ke nofo iate koe le tokamalie, Ti ke pule le faitotonu.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Esaia 63:14

Ofaipe le manu leia e ifo ki le vaivailiua, Na taki latou e le Laumalie o le Eteleno ki le malolo. Na fenaaki lau taki lou kakai, O logologona ai lou suafa.

Esaia 7:11

Kole kiate koe se fakamailoga mei le Eteleno, lou Atua ; kole a ia, mei ganea loloto o le kele, pe mei potu taualuga o le lagi.

Esaia 7:19

E lotou au loa, ti e lotou nonofo fuli loa i ganea lavaki fuli, Mo pu o utu, Mo laakau uluvao fuli, Ti mo faisaga sesega fuli.

Esaia 7:24

E ulu loa ki ai mo ni gasau ti mo ni kalolo, Talie e apele loa le fenua katoa i uluvao gaoa mo talatala.

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Selemia 33:9

E liliu loa le kolo leinei kiate au ko se nea fakatupu fiafia, mo fakatupu fakafetai, ti mo fakatupu kololia, I lotolotoga o atu puleaga fuli o le malama nei, Ala e logo loa ki le tapuakina leia e kau fai loa kia latou ; E lotou ofolele loa ti e lotou sevaia loa, I le malie katoa mo le manuia ala e kau soli loa kia latou.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Esekiele 28:24

Ti e leaise toe liliu loa a ia ki le fale o Iselaele Ko se talai laakau leia e fakalavea ia, se laakau sukisuki leia e fakamasae ia, I lotolotoga o latou fuli ala e takatakai ia a ia ti e vesia kiate ia. Ti e lotou iloa loa ko au ko le Aliki, le Eteleno.

Mikea 7:4

Ko leia e malie ia latou e faipe se laakau talatala, Ko leia e faitotonu ia latou e veli ake i le vao sukisuki. Ko leinei kua ofi mai le aso leia na fakasa e au kau polofeta, le aso o lou tautea. I le aso lena e lotou nofo loa i le luma.

Sakalia 1:8

Na kau tio i le pouli, ti ko leinei, na eke se tagata i se osi kula, ti na tuu a ia i loto malie o ni mila i se ganea malumalu ; na tutuu i ona muli ni osi kula, mo ni osi uli, ti mo ni osi tea.

Luka 2:14

Kololia ki le Atua i potu taualuga, Ti tokamalie i le kele ki tagata ala e alofa a ia ki ai !

Soane 15:8

Kapau e kotou fua o lasi ai, e fakakololia loa i ai loku Tamana, ti e kotou liliu loa i ai ko aku tisipulo.

Loma 6:19

E kau masau ofaipe se tagata, o tupu ko le gaegae o lokoutou kanofi. Ofaipe lakotou tuku ia okoutou koga tino ke popula ki le mauli fakalialia mo le agaveli, o kotou kaku ai ki le mauli maveuveu, ke kotou tuku foki, i le temi nei, okoutou koga tino ke popula ki le agatonu, ke kotou kaku ai ki le maokioki.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !