Esaia 55:11 - Tosi Tapu

¹¹ E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Esaia 55:11 ပူးပေါင်းရင်းမြစ်များ

Esaia 40:8

E malo le mutie, e vilo le se ; Kae e tuu le folafola a lotatou Atua o lee gato.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Esaia 54:9

Talie e fai loa kiate au pe le lomaki i le temi o Noe : Na kau fakapapau e leaise toe to loa le lomaki ia Noe ki le malama nei ; E kau toe fakapapau foki ke aua na kau toe ita kiate koe, Ti ke aua na kau toe valoki a koe.

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Selemia 1:11

Na tuku mai loa kiate au le folafola a le Eteleno, o pati : Selemia, kolea e ke tio ki ai ? Na kau tali loa : E kau tio ki se laai amatie.

Selemia 1:12

Ti na pati mai loa le Eteleno kiate au : E tonu lau tio ; talie e kau tokaga ki laku folafola ke fai a ia.

Selemia 1:13

Ti na toe tuku mai loa kiate au le folafola a le Eteleno, o pati : Kolea e ke tio ki ai ? Na kau tali loa : E kau tio ki se kulo kua pula, leia e agaaga mai lona gutu mei le potu noleto.

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Selemia 25:13

E kau kakau mai loa ki le fenua lena a nea fuli ala kua kau fakasa fakatomua o uiga mo ia, a nea fuli ala kua tosi i le tosi leinei, a nea ala kua fakasa e le polofeta ko Selemia o uiga mo atu puleaga fuli.

Esekiele 24:14

Ko au, le Eteleno, kua kau masau : ti e soko loa le nea lena ! E kau fai loa a ia ; ti e leaise kau toe solomuli loa, ti e leaise kau toe aloalofa loa pe toe fakasemala loa. E fakamaaui loa a koe o mulimuli ki lau aga mo au gaoi, e pati le Aliki, le Eteleno.

Amosi 6:11

Talie ko leinei, kua fakatotonu e le Eteleno : E tuku loa e ia ke maofa le fale lasi, Ti ke maumau le fale ikiiki.

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Mateo 24:35

E puli loa le lagi mo le kele, kae e leaise toe puli loa aku folafola.

Soane 6:63

Ko le Laumalie leia e fakamauli ia. E leai sona aoga o le tino. Ko folafola ala na kau fakasa atu kia koutou e Laumalie ti e mauli.

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Uluaki tosi ki le kau Kolinto 1:18

Talie ko le akonaki o le koluse ko se valea a ia kia latou ala e malaia, kae kia tatou ala kua saofaki, ko se makeke a ia o le Atua.

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Epelo 6:7

Talie ko le kele leia e fakavai e le ua leia e to tuumau ki ai, e fakatupu ia se mutie aoga kia latou ala na gaoi ki ai, e kau a ia ki le tapuakina a le Atua ;

Sakopo 1:18

Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Uluaki tosi a Petelo 1:23

talie kua kotou tupu foou, o leai mei se pulapula popo kae mei se pulapula lee popo, mei le folafola mauli mo lee gato a le Atua.

Uluaki tosi a Samuele 3:19

Na lasi ake loa Samuele. Na nofo loa le Eteleno mo ia, ti na leaise tuku loa e ia ke vilo ki le kele se kupu fua e tasi o ana folafola.