Esaia 55:1 - Tosi Tapu

¹ Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Esaia 55:1 ပူးပေါင်းရင်းမြစ်များ

Pesalemo 143:6

E kau falo oku lima kiate koe ; E oli lasi loku laumalie kiate koe, Ofaipe se kele malo. - Manava.

Pesalemo 63:1

Pesalemo a Tavite. I lana nofo i le toafa o Suta.

Taagapati 8:4

Tagata, ko koutou ala e kau kalaga ki ai, Ti e masau loku leo ki vosa o le tagata.

Taagapati 9:1

Na fakatuu e le poto lona fale, Na ta e ia ona fa pou e fitu.

Taagapati 9:5

Kotou au, kotou kai ki laku pane, Ti kotou inu ki le vino leia na kau sui ;

Katiko o Katiko 1:2

Ke sogi mai a ia kiate au ki ni sogi o lona gutu ! Talie e malie ake lou alofa i le vino,

Katiko o Katiko 1:4

Toso atu au kiate koe ! Ta makape ! Ko loku sau a koe, ave au ki lou kogafale, E ta fiafia loa toka lua, e ta nekenekea loa iate koe ; E ta sua loa lou alofa leia e malie ake i le vino. E tonu ai le mamana o taineliki kiate koe.

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Esaia 1:19

Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 52:3

Talie ko leinei le folafola a le Eteleno : Na fakatau noa koutou, Ti e leaise toe totogi loa koutou ki se paaga.

Tagi laulau a Selemia 5:4

Kua motou totogi paaga le vai leia e motou inu, Kua motou totogi lamatou fafie.

Esekiele 47:1

Na toe aumai loa e ia au ki le matapa o le fale tapu. Ti ko leinei, na i ai se vai leia na mapuna i le uluaga o le fale tapu, i le potu esite, talie ko le tamua o le fale tapu na agaaga ki le potu esite ; na tafe le vai i le fetuu atamai o le fale tapu, ki le potu saute o le aletale.

Esekiele 47:9

Ko nea fuli ala e taugaoi e mauli loa i ganea fuli ala e tafe ai loa le vaitafe, ti e i ai loa ni ika mauke ai ; talie ko le ganea leia e tau ki ai le vai leinei e mauli loa, ti e mauli loa a nea fuli i ganea fuli ala e tau loa ki ai le vaitafe leinei.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Sakalia 10:7

E fai loa Efalaimi pe se tagata toa ; E maua loa e lolatou loto le fiafia leia e tuku e le vino ; E tio loa ki ai olatou vosa ti e lotou fiafia lasi loa, E fakavikiviki loa olatou loto ki le Eteleno.

Sakalia 2:6

Kotou sosola, kotou sosola i le fenua o le noleto ! E pati le Eteleno : Talie na kau fakamavetevete koutou ki potupotu e fa o le lagi, E pati le Eteleno.

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Mateo 10:8

Kotou fakamauli le kau masaki, kotou fakatuuake le kau mate, kotou fakamea le kau kilia, kotou kapu a temonio. Na kotou tali sala totogi, ti kotou soli sala totogi.

Mateo 13:44

E toe fakatatau foki le Puleaga o le atu lagi ki se koloa leia na fufu i se faigasaga. Ko le tagata leia na maua ia a ia e toe fufu ia a ia ; ti e i lona fiafia, e ano loa a ia o fakatau ana nea fuli ala na maua e ia, ke totogi ai le faigasaga lena.

Mateo 26:29

E kau pati atu kia koutou, e leaise kau toe inu loa ki le fua o le vite, o kaku ki le aso leia e kau toe inu ai loa se vino foou mo koutou i le puleaga o loku Tamana.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Gaoi 8:20

Kae na pati loa Petelo kiate ia : Ke puli lau paaga mo koe, talie kua ke pati e totogi paaga le nea alofa o le Atua !

Loma 3:24

ti kua fakamatonu fakaalofa latou e lona kalasia, i le totogi leia e maua ia Sesu-Kilisito.

Uluaki tosi ki le kau Kolinto 3:2

Na kau soli atu kia koutou se sua u, kae leai se nea kai fefeka, talie na leaise kotou ma tatali a ia ; ti e tatau foki i le temi nei, e leaise kotou ma tatali a ia, talie koi kotou fakakanofi.

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.

Lute 4:1

Na pale loa Poase ki le matapa o le kolo, ti na tuu loa a ia i ai. Ti ko leinei, na nake loa ki ai leia na kaiga feofi, ti na masau loa Poase kiate ia. Na pati loa Poase kiate ia : A koe leia, au, o nofo i leinei. Ti na ano loa a ia, o nofo ki lalo.