Esaia 54:7 - Tosi Tapu

⁷ I se ga temi ikiiki na kau tiaki a koe, Kae i se alofa lasi e kau tali loa a koe ;

Esaia 54:7 ပူးပေါင်းရင်းမြစ်များ

Pesalemo 106:47

Fakamauli matou, Eteleno, ko lomatou Atua ! Ti ke ke fakatasii mai matou mei loto malie o atu puleaga, O tupu ke motou fakafetai ki lou suafa maokioki, Ti ke motou maua loa lomatou kololia i le fakamalo kiate koe !

Pesalemo 107:3

Ti na fakatasi e ia mei fenua fuli, Mei le potu esite mo le potu uesite, mei le potu noleto mo le tai !

Pesalemo 30:5

Ke kotou sua ki le Eteleno, koutou ala e alofa kiate ia ! Ke kotou fakafetai kiate ia, o fakasa lona maokioki !

Pesalemo 30:6

Talie e fualoa lona sausau i le kemo o le mata, Kae ko lona kalasia i le mauli katoa. E kaku mai a tagi i le afiafi, Kae i le usu ko le fiafia lasi.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 26:20

Ano, ei loku kakai, ulu ki lou kogafale, Ti ke tapono le matapa i ou muli ; Mumuni i se ga temi toetoe fua, O kaku ki le oki o le ita.

Esaia 27:12

I le aso lena, E luui loa e le Eteleno ni fua, Mei le vaitafe o Eufalate o kaku ki le vaitafe o Esipito ; Ti e tae loa koutou fakataki tasi, fanau o Iselaele !

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 49:18

Siki ake ou mata, o tio takatakai, ti ke tio : E lotou fakatasi fuli, ti e lotou au kiate koe. E kau mauli ! e pati le Eteleno, E ke kofu loa kia latou ofaipe se kofu fakateuteu, E ke nonoa loa latou i ou vakavaka ofaipe ni titi o se taine avaga.

Esaia 49:21

Ti e ke pati loa i lou loto : Ko ai leia na fanaui ia latou kiate au ? Talie na kau sala fanau, na kau paa. Na ave popula au, na kapu au e loku avaga : ko ai na taupau ia latou ? Na kau nofo toka tasi : Ko latou anei, na lotou nonofo ifea ?

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 56:8

E folafola le Aliki, le Eteleno, Leia e fakatasi ia le kau popula o Iselaele : E kau fakatasi loa ni iki ake kakai kiate ia, ki lona kakai leia na toe fakatasi foki.

Esaia 60:10

E toe laga loa e vosa o le tagata matapule ou paa, Ti e liliu loa olatou sau ko au tagata fakasausau ; Talie na kau taai a koe i loku sausau, Kae i loku manava alofa na kau alofa kiate koe.

Esaia 60:4

Tagaki ou mata ki ou tafa, ti ke tio : E lotou fakatasi fuli, e lotou au kiate koe ; E au ou vosa mei mamao, Ti e luluku ou taineliki i lima.

Esaia 62:4

E leaise toe fakaigoa loa a koe ko tiakina, Ti e leaise toe fakaigoa loa lou fenua ko lavaki ; Kae e fakaigoa loa a koe : Ko loku fiafiaaga iate ia, Ti e fakaigoa loa lou fenua ko le fafine avaga ; Talie e maua loa e le Eteleno lona fiafia iate koe, Ti e maua loa e le fenua lona avaga.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Tagi laulau a Selemia 3:31

Talie e leaise tiaki E le Aliki o lee gato.

Tagi laulau a Selemia 3:32

Kae, ka fakamamae e ia, E manava alofa a ia o mulimuli ki lona alofa lasi ;

Esekiele 36:24

E kau too loa koutou i loto malie o atu puleaga, ti e kau fakatasii loa koutou i fenua fuli, ti e kau aumai loa koutou ki lokoutou fenua.

Mikea 4:6

I le aso lena, e pati le Eteleno : e kau tali loa le kau kito, E kau fakatasi loa latou ala na kapu, Latou ala na kau fakaveliveli.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Lua tosi ki le kau Kolinto 4:17

Talie ko oma mamae maamaa i le temi leinei, ala e oki vave, e fakatupu ia kia maua, o lasi ake i fuafua fuli,

Efeso 1:10

o tupu ke fai a ia i le fakaoki o sekulo, ke fakatasi a nea fuli ia Kilisito, a nea ala i le lagi mo nea ala i le malama nei.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Lua tosi a Petelo 3:8

Kae e i ai se nea, ei alofaaga, e leaise tonu ke kotou galoi : i mua o le Aliki e tatau se aso e tasi mo ni fetuu e afe, ti e tatau fetuu e afe mo se aso e tasi.