Esaia 54:5 - Tosi Tapu

⁵ Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 54:5 ပူးပေါင်းရင်းမြစ်များ

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 48:2

Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Esaia 51:15

Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Esaia 54:8

I se ga temi ikiiki o le ita, na kau fufu oku mata iate koe, Kae i se alofa lee gato e kau aloalo malie loa kiate koe, E pati le Eteleno, leia na totogi ia a koe.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 65:16

Talie ko leia e loto ke tapuakina i le fenua, E loto loa ke tapuakina a ia i le suafa o le Atua o le maoki ; Ti ko leia e fakapapau loa i le fenua, E fakapapau loa i le suafa o le Atua o le maoki ; Talie e galoi loa a mamae afea, E fufu loa latou ki oku mata.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 3:14

Kotou tafoki mai kiate au, fanau agatuu, e pati le Eteleno, Talie ko au ko lokoutou pule. E kau too loa koutou, tasi i se kolo, lua i se famili, Ti e kau toe aumai loa koutou ki Sione.

Selemia 51:19

Kae e leaise tatau mo latou le vaega o Sakopo ; Talie ko ia leia na fau ia nea fuli, Ti ko Iselaele ko le kakai o lona tofiga. Ko le Eteleno o kau tau ko lona suafa.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Oseo 2:16

Koia kua kau loto ai i le aso nei ke kau maselei a ia, ti ke kau taki a ia ki le toafa, ti e kau masau loa ki lona loto.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Luka 1:32

E lasi loa a ia, ti e fakaigoa loa a ia ko le Alo o le Taualuga, ti e soli loa e le Aliki Atua kiate ia le ekeekeaga o Tavite, lona tamana.

Soane 3:29

Ko leia a ana le fafine avaga, ko le tagata avaga ; kae ko le kaukaunea o le tagata avaga, leia e tuu i ona tafa o logo kiate ia, e logoi e ia se fiafia lasi, o tupu ko le leo o le tagata avaga : koia ko le fiafia lena, leia ko looku foki, kua katoa.

Efeso 5:32

E lasi ai le misitelio lena ; e kau fakasa le nea lena o uiga mo Kilisito ti mo le Ekelesia.

Sosue 3:11

Ko leinei, e fakalaka loa le aleka o le fakapapau o le Aliki o le malama nei katoa i le Solotane i mua o koutou.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.