Esaia 54:17 - Tosi Tapu

¹⁷ E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 54:17 ပူးပေါင်းရင်းမြစ်များ

Sopo 1:11

Kae ke falo lou lima, o taai ana nea fuli, ti e kau iloa papau, e lauveli loa a ia kiate koe.

Sopo 2:5

Kae ke ke falo lou lima, o fafa ki ona ivi mo lona kanofi, ti e kau iloa fakapapau e lauveli loa a ia kiate koe i ou mua.

Sopo 42:7

I le oki o le folafola a le Eteleno kia Sopo, na pati loa a ia kia Elifasi mei Temane : Kua vilo loku sausau kiate koe mo ou kaukaunea e toka lua, talie na leaise kotou masau kiate au i le maoki ofaipe laku tagata fakasausau ko Sopo.

Pesalemo 32:6

Koia ke faikole kiate koe a tagata agatonu fuli i le temi faigamalie ! Kapau e puke ni vai lalasi, e leaise lotou kaku loa kia latou.

Pesalemo 61:5

E kau fia nofo tuumau i lou falela o lee gato, O fakamalumalu i le malu o ou kapakau. - Manava.

Pesalemo 71:16

E kau fakasa loa au gaoiaga mafimafi, Aliki Eteleno ! E kau fakamanatu loa lou faitotonu, io, a ia toka tasi.

Pesalemo 71:19

Ei Atua, e kaku lou faitotonu ki le lagi ; Na ke fai ni nea lalasi, ei Atua, ko ai e tatau mo koe ?

Esaia 17:12

Oi, kolea le logoa leinei pe ni kakai toka api ! E lotou logoa ofaipe le logoa a le tai. Kolea kua logoa ai a atu puleaga ! Kua lotou gugulu ofaipe le gugulu o ni atu vai makeke.

Esaia 26:2

Kotou fakamavaa a matapa, Kotou tuku ke ulu le puleaga maokioki mo agatonu.

Esaia 29:8

Ti ko puleaga mauke ala na au loa o taui le mauga o Sione, E fai loa pe se tagata leia e fia kai Ti e moe miti e kai a ia, Kae e ala ake a ia mo lona manava e pakupaku, Pe leia e fia inu e moe miti e inu, Kae ala ake a ia, e gaegae mo malo aifai lona fatakia.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 41:11

Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 50:8

Ko leia e fakamatatonu ia au e tuu i oku tafa : Ko ai e fia fefele kiate au ? Ke ta tutuu fakatasi ! Ko ai e fia fili mai kiate au ? Ke au a ia ki oku mua !

Esaia 50:9

Ko leinei, e tokoi loa kiate au le Aliki, le Eteleno : Ko ai e fakatua ia loa au ? Ko leinei, e lotou motumotu fuli loa ofaipe se kofu popo, E kai loa latou e ilo.

Esaia 51:5

Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 54:15

Kapau e fai ni fakatasi kiate koe, e leaise natu loa le nea lena iate au ; Ko latou fuli ala e fili loa kiate koe e vivilo loa i lou pule.

Esaia 54:16

Ko leinei, na kau fakatupu le tagata leia e pupusi ia le malala i le afi, Ti e fau ia se masafu i lana gaoi ; Kae na kau toe fakatupu foki le tagata maumau ke fatii ia le masafu.

Esaia 58:14

Ti e ke maua loa lou fiafia i le Eteleno, Ti e kau ave loa a koe ki potu taualuga o le fenua, E kau fakafiafia loa a koe ki le tofiga o Sakopo, lou tamana ; Talie kua masau le gutu o le Eteleno.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Taniela 3:26

Ti na fakafeofi loa Nepukatenesale ki mua o le gutuumu kaka, ti na masau loa a ia, o pati : Satalake, mo Mesake, mo Apeteneko, tagata fakasausau a le Atua taualuga, kotou ulu mai ki fafo, ti kotou au ! Ti na mavae ake loa Satalake, mo Mesake, mo Apeteneko mei loto o le afi.

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Loma 10:4

talie ko Kilisito ko le fakaokiaga o le lao, ke fakamatatonu ai latou fuli ala e tui.

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 1:30

Kae kua fakapipiki koutou kia Sesu-Kilisito, leia i le finegalo o le Atua, kua liliu kia tatou ko le poto, mo le faitotonu, mo le maokioki, ti mo le totogi,

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Sosue 24:10

Kae na leaise kau fia logo fua kia Palaami ; ti na tuku loa e ia kia koutou se tapuaki, ti na kau saofaki loa koutou mei le lima o Palaki.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Apokalipisi 12:10

Ti na kau logo loa i le lagi ki se leo makeke na pati : I le temi nei kua soko mai loa le saofaki, mo le mafimafi, mo le pule fakasau o lotatou Atua, ti mo le pule o lona Kilisito ; talie kua ti ki fafo leia na lauveli ki otatou fetaina, leia na tukugavelii ia latou i mua o lotatou Atua i le ao mo le po.

Uluaki tosi a Samuele 23:17

ti na pati loa a ia kia Tavite : Aua na ke tuania, talie e leaise kaku loa kiate koe le lima o Saulo, loku tamana. E ke pule loa ki Iselaele, ti ko au, e kau nofo loa i le tuulaga lua i ou tafa ; kua iloa le nea lena e Saulo, loku tamana.