Esaia 54:11 - Tosi Tapu

¹¹ A koe leia e mamae, mo ta e le afa, ti e leaise fakapelepele e se tasi ! Ko leinei, e kau toe laga loa a koe ki ni fatu fakateuteu fulumalilie, Ti e kau toe fai loa ou fakatafito ki le safile ;

Esaia 54:11 ပူးပေါင်းရင်းမြစ်များ

Uluaki tosi o Sau 5:17

Na fakatotonu loa e le sau ke ta mai ni fatu lalasi mo fulumalilie ki le fakavae o le fale.

Uluaki tosi o Sau 6:30

Na kofu loa e ia ki le aulo le faliki o le fale, i loto o kogafale e lua.

Uluaki tosi o Koloniko 29:2

Na kau tuku oku makeke fuli ki le tokonaki o nea ki le fale o loku Atua, le aulo ki nea ala e tonu ke fai ki le aulo, mo le paaga ki nea ala e tonu ke fai ki le paaga, mo le sila ki nea ala e tonu ke fai ki le sila, mo le ukamea ki nea ala e tonu ke fai ki le ukamea, mo le laakau ki nea ala e tonu ke fai ki laakau, mo ni fatu onise, mo ni fatu fakateuteu, mo ni fatu gigila lanu kesekese, mo ni fatu mauiga kesekese, ti mo ni fatu malepe mauke.

Lua tosi o Koloniko 3:6

Na ato loa e ia le fale ki ni fatu mauiga ofaipe se nea fakateuteu ; ti na aumai loa e ia le aulo mei Palevaime.

Sopo 28:16

E leaise fua a ia ki le aulo o Ofile, Pe ko le onise mauiga, pe ko le safile ;

Pesalemo 34:19

E ofi le Eteleno kia latou ala e loto fatifati, Ti e fakamauli e ia latou ala e loto mamae.

Ekesote 2:23

Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Ekesote 24:10

Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Ekesote 3:2

Na sa loa le aselo o le Eteleno kiate ia i se ula mo se afi, i loto malie o se ga ulu vao. Na tio loa Moisese ; ti ko leinei, na ula le ulu vao katoa, kae na leaise okioki a ia.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Katiko o Katiko 5:14

Ko ona lima ko ni mama aulo, Na teuteu ki kilisolite ; Ko lona tino ko se lei momole, Na kofu ki ni safile ;

Esaia 14:32

Ti kolea ke tali loa ki tagata avelogo a le kakai ? Kua fakatuu e le Eteleno a Sione, Ti kua maua e le kau fakaaloalofa o lona kakai se mumuniaga i ai.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Esaia 49:14

Kae na pati Sione : Kua tiaki au e le Eteleno ! Kua galoi au e le Aliki !

Esaia 51:21

Koia, fakalogo mai ki le nea leinei, a koe leia e fakaaloalofa, A koe leia e kona, kae e leai i le vino !

Esaia 51:23

E kau tuku loa a ia ki le lima o latou ala e fakaveliveli kiate koe, Ala na pati atu kiate koe : Punou ki lalo ke motou saele iate koe ! Ti na ke fakaliliu loa lou tua ko se kele, Ofaipe se ala kia latou ala e saele.

Esaia 54:12

E kau fai loa ou takakega ki le lupi, Ou matapa ki le kilisitale, Ti mo ou kaua takatakai ki ni fatu mauiga.

Esaia 54:6

Talie e toe kalagai a koe e le Eteleno ofaipe se fafine tiakina mo mamae i lona loto, Ofaipe se fafine leia na avaga koi muli ti na tiaki, e pati lou Atua.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Selemia 30:17

Kae e kau fakamauli loa a koe, e kau sai loa ou lavea, E pati le Eteleno. Talie e lotou fakaigoa a koe le tiakina, Le Sione leia e leaise koi tokaga se tasi ki ai.

Tagi laulau a Selemia 1:21

Na logo ki aku tagi, kae na leaise fakapelepele au e se tasi. Na iloa e oku fili fuli loku malaia, Na lotou fiafia o tupu ko koe leia na fai ia a ia ; E ke aumai loa, e ke fakasa loa le aso leia e lotou fai ai loa pe au.

Esekiele 1:26

I le lagi leia i aluga o olatou ulu, na i ai se nea leia na faipe le safile, ti na fai foki pe se ekeekeaga fakasau ; ti na sa i aluga o le nea lena na faipe se ekeekeaga fakasau se mata o se tagata leia na teki i ai.

Esekiele 10:1

Na kau tio loa, ti ko leinei, i aluga o le lagi leia na tuu i aluga o ulu o selupino, na i ai se nea ofaipe le fatu ko le safile ; na sa i olatou aluga se nea ofaipe se ekeekeaga fakasau.

Mikea 7:11

I le aso leia e toe laga ai loa ou kaua, I le aso lena e siki ai loa ou koiga ke mamao atu.

Mateo 8:24

Ti ko leinei, na to loa se afaa lasi i le tai, ti kua ta fakaveliveli loa le vaka e galu. Kae ko ia, na moe mate a ia.

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.