Esaia 53:2 - Tosi Tapu

² Na tupu ake a ia o lasi i ona mua ofaipe se ga laakau gaegae, Ofaipe se uli leia e somo ake i se kele malo ; Na leaise maua e ia se fulumalie, pe ko se gigila ke tapa ki otou mata, Ti na leaise nea fua iate ia ke tou alofa ai kiate ia.

Esaia 53:2 ပူးပေါင်းရင်းမြစ်များ

Esaia 11:1

Ti e somo ake loa se ga laa i le tafito o Isaia, Ti e tupu ake loa se uli i ona aka.

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esaia 52:14

Na fai a ia ki le toka api pe se nea fakaii, I le lasi o le fetogi o ona mata, I le lasi o le fetogi o lona tino, Talie na leaise koi fai a ia pe se tagata,

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Sakalia 6:12

E ke pati loa kiate ia : Ko leinei le folafola a le Eteleno o kau tau : Tio ki se tagata leia e igoa ko Somo ; e somo ake loa a ia i lona ganea, ti e fakatuu loa e ia le fale tapu o le Eteleno.

Maleko 6:3

Pe se ko le tagata fau fale a ia, le tama o Malia, le taina o Sakopo, mo Sosefo, mo Suta, ti mo Simone ? Ti ko ona tuagaane, pe leaise lotou nonofo i leinei mo tatou ? Ti na leaise lotou tui kiate ia.

Maleko 9:12

Na tali loa Sesu kia latou : E maoki e tonu ke uluaki au mua Elia, o toe fakatonutonu a nea fuli. Ti kolea e tosi ai ki le Vosa o le tagata, e tonu ke mamae lasi a ia ti ke nukinukii a ia ?

Luka 2:7

ti na fanaui loa e ia lona tama uluaki. Na kofukofu loa e ia a ia, o fakamoe i se kaiaga manu, talie na leai se nofoaga i le fale talifanoga kia latou.

Luka 9:58

Na tali loa Sesu kiate ia : E maua e lenato ni nofoaga i le kele, ti e maua e manu lele o le lagi ni ofaga, kae e leaise maua e le Vosa o le tagata se ganea leia ke teki ai lona ulu.

Soane 18:40

Ti na lotou toe kalaga fuli loa : Leai a ia, kae ko Palapasi. Kae ko Palapasi ko se tagata kaia a ia.

Soane 19:5

Na ulu mai loa Sesu ki fafo, kua pala a ia ki le pala talatala ti kua kofu a ia ki le taupulupulu kula. Ti na pati loa Pilato kia latou : Ko leinei le tagata.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Uluaki tosi a Petelo 2:14

ki kovana, ofaipe ni iki ala kua kakau mai e ia ke fakatuaa ia le kau agaveli ti mo fakapale ia latou ala e fai ia le malie ;