Esaia 53:11 - Tosi Tapu

¹¹ E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 53:11 ပူးပေါင်းရင်းမြစ်များ

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 45:25

E maua loa e vosa o Iselaele Le faitotonu mo le kololia i le Eteleno.

Esaia 49:3

Ti na pati mai a ia kiate au : Ko laku tagata fakasausau a koe, Iselaele leia e fakasa ia loa loku kololia.

Esaia 52:13

Ko leinei, e manuia loa laku tagata fakasausau ; E pale ake loa a ia ki aluga, e malaga loa a ia ki aluga, e malaga loa a ia o taualuga.

Esaia 53:12

Koia e kau soli ai loa kiate ia lona vaega mo le kau lalasi ; E vae loa e ia le koloa o le tau mo le kau makeke, O tupu na tuku e ia a ia totonu ki le mate, Ti na lau a ia i le kau tukipo, Talie na amo e ia a agasala a le toka api, Ti na ulufaki e ia le kau agasala.

Esaia 53:8

Na ave a ia e le mamae mo le tautea ; Ti ko ai i lona tautupu na tui Na tuuti a ia i le kele o le kau mauli, Ti na taai a ia o tupu ko agasala o loku kakai ?

Taniela 12:3

Ko latou ala na popoto e gigila loa ofaipe le malama o le lagi, ti ko latou ala na ako ia le faitotonu ki le kakai e gigila loa ofaipe fetuu o le lagi, o lee gato.

Taniela 9:24

Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Luka 22:44

Na logoi loa e ia se mamae lasi, ti na toe asilisili faikole fakamalotoloto a ia : ti na liliu loa lona kavakavaia ofaipe ni motii toto, ala na sasali ki le kele.

Soane 12:24

E maoki, e maoki, e kau pati atu kia koutou, kapau e leaise vilo le fuai fulumeto ki le kele o pala, e nofo toka tasi a ia ; kae kapau e pala a ia, e fua a ia o lasi ai.

Soane 16:21

Ko le fafine, mo ka fanau, e logoi e ia le mamae, talie kua soko lona ola ; kae, ka fanaui loa e ia lona toe, e leaise toe manatui loa e ia lona mamae, i lona fiafia talie kua tupu se tagata ki le malama nei.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 4:24

e tupu foki ko tatou, ala e toe lau loa ki ai le nea lena, tatou anei e tui ki leia kua toe fakatuuake ia mei le mate a Sesu lotatou Aliki,

Loma 5:9

Koia, i le temi leinei kua tou fakamatatonu ai e lona toto, e toe asilisili saofaki loa e ia tatou mei le sausau.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Kalate 4:19

Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Uluaki tosi a Soane 2:1

Ei aku fanau liliki, e kau tosi atu a nea anei, o tupu ke aua na kotou agasala. Ti kapau na agasala se tasi, e tou maua se avoka i tafa o le Tamana, ko Sesu-Kilisito ko le tagata agatonu.

Lua tosi a Soane 1:1

Ko au ko le tagata fakamatuatua, kia Kilia ko le fafine filifiliia ti mo ana fanau, ala e kau alofa ki ai i le maoki, ti e leaise ko au fua leia e alofa kia latou, kae ko latou fuli foki ala e iloa ia le maoki,

Lua tosi a Soane 1:3

Ko le kalasia, mo le manavaalofa, ti mo le tokamalie ke tuku atu kia koutou e le Atua ko le Tamana ti mo Sesu-Kilisito ko le Alo o le Tamana, i le maoki mo le alofa !