Esaia 52:8 - Tosi Tapu

⁸ E tatagi le leo o au kau tagata leo ; E lotou siki olatou leo ki aluga, E lotou fai fakatasi ni kalaga nekenekea ; Talie e lotou tio ki olotou mata totonu E aumai Sione e le Eteleno.

Esaia 52:8 ပူးပေါင်းရင်းမြစ်များ

Pesalemo 102:22

O tupu ke lotou fakasa i Sione le suafa o le Eteleno, Ti mo ona fakavikiviki i Selusalemi,

Katiko o Katiko 3:3

Na maua au e kau leo ala e feanoaki i le kolo : Pe na kotou tio ki leia e alofa ki ai loku loto ?

Katiko o Katiko 5:7

Ko kau tagata leo ala na feanoaki i le kolo na felavei mo au ; Na lotou ta au, ti na kau lavea ai ; Na lotou too loku pulou, le kau leo o paa.

Esaia 24:14

Kua lotou too se sua, kua lotou fai ni kalaga nekenekea ; Kua lotou fakavikiviki ki le mafimafi o le Eteleno i mata tai.

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 27:2

I le aso lena, Ke kotou sua se katiko o le vite.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 56:10

E kivi fuli ona tagata leo, sala atamai ; Ko latou fuli ko ni kuli gutu mate, ala e leaise mafai ke ko ; E lotou maua ni moe miti, e lotou momoe i lalo, E lotou manako ki le moe.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Esaia 62:6

I aluga o ou paa, Selusalemi, na kau fakanofo ni kau tagata leo ; E leaise lotou fakalologo loa i le ao mo le pouli. Koutou ala e fakamanatu ia a ia ki le Eteleno, E leaise malolo kia koutou !

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Selemia 33:7

E kau toe aumai loa le kau popula o Suta mo le kau popula o Iselaele, Ti e kau fakanonofo loa latou ofaipe le temi mua.

Selemia 6:17

Na kau tuku ki okoutou tafa ni tagata leo : Kotou tokaga ki le tagi o le fakatagi pupusi ! Kae e lotou tali : E leaise motou tokaga loa ki ai.

Esekiele 3:17

Vosa o le tagata, e kau fakanofo loa a koe ko le tagata leo ki le fale o Iselaele. E ke fakalogo loa ki le folafola leia e vilo atu loa i loku gutu, ti e ke fakasa loa kia latou aku valoki.

Esekiele 33:7

Ti ko koe, vosa o le tagata, na kau fakanofo a koe ko le tagata leo i le fale o Iselaele. E tonu ke ke fakalogo ki le folafola leia e mavae atu i loku gutu, ti ke ke valoki latou.

Sofoni 3:9

I le aso lena, e kau soli loa ki kakai ni laugutu mea, O tupu ke lotou fetapa fuli ki le suafa o le Eteleno, Ti ke lotou tausi kiate ia i se loto e tasi.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Gaoi 2:1

I le aso lasi o le Penikosite, na lotou fakatasi fuli i se ganea e tasi.

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Uluaki tosi ki le kau Kolinto 1:10

Koia, fetaina, e kau kole mamae atu kia koutou i le suafa o lotatou Aliki ko Sesu-Kilisito, ke kotou masau fuli ki se masau e tasi, ti ke aua na maua ni fakavaevaega ia koutou, kae ke kotou pipiki tasi i se loto e tasi, ti mo se fakakaukau e tasi.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:4

Ti ko kau matua e tino lua tupu fa, mo manu mauuli e fa, na tulolo loa, o atolasio ki le Atua leia e ekeeke i le ekeekeaga fakasau, o pati : Amene ! Aleluia !