Esaia 52:7 - Tosi Tapu

⁷ E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 52:7 ပူးပေါင်းရင်းမြစ်များ

Pesalemo 59:13

E agasala olatou gutu i masau fuli o olatou laugutu : Tuku ke tapo latou e le masele o lolatou fia nealasi ! Talie e lotou masau ata ki fakamalaia mo loi.

Pesalemo 68:11

Na fakatuu loa lou kakai lona nofoaga i le fenua Leia na ke teuteu, ei Atua, i lou agamalie ki le kau mativa.

Pesalemo 93:1

E sau le Eteleno, kua teu a ia ki le mamalu ofaipe se kofu, Kua takatakai a ia ki le mafimafi ofaipe se kilipipi. Koia e tuu mau ai le malama nei, e leaise taugaoi ai.

Pesalemo 96:10

Kotou fakasa i le lotolotoga o atu puleaga : E sau le Eteleno ; Koia e tuu mau ai le malama nei, e leaise taugaoi a ia. E fakamaau e le Eteleno le kakai i le maoki.

Pesalemo 97:1

E sau le Eteleno ; ke fiafia lasi le malama nei ; Ke fiafia a atu motu mauke !

Pesalemo 98:2

Na fakasa e le Eteleno lona fakamauli, Na fakasa e ia lona faitotonu ki mata o atu puleaga.

Pesalemo 98:3

Na manatui e ia lona agamalie mo lona agatonu ki le fale o Iselaele, Na tio a potupotu fuli o le malama nei ki le fakamauli a lotatou Atua.

Pesalemo 99:1

E sau le Eteleno : e lulu a atu kakai ; E ekeeke a ia i aluga o selupino : e siga le malama nei.

Katiko o Katiko 2:8

Ko le leo o loku alofaaga ! Ko leinei a ia, e au a ia, E sopo a ia i mauga, Ti e sake a ia i mauga liliki.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 40:9

Pale ki se mauga taualuga, Sione, o fakasa le logo malie ; Kalaga fakamakeke lou leo, Selusalemi, o fakasa le logo malie ; Kalaga leo lasi, aua na ke i, Pati ki kolo o Suta : Ko leinei lokoutou Atua !

Esaia 41:27

Ko au leia na uluaki pati ki Sione : Ko nei latou, ko nei latou ! Ko au leia na uluaki pati ki Selusalemi : E kau kakau se tagata avelogo o ni logo malilie !

Esaia 42:11

Ke siki ake e le toafa mo ona kolo olatou leo ! Ke siki ake e kolo ala kua maua e Ketale olatou leo ! Ke sua fakafiafia le kakai o utu ! Ke logo ni kalaga fakafiafia mei tumutumu o mauga !

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Naume 2:1

Ko leinei i aluga o mauga A vae o le tagata avelogo leia e fakasa ia le tokamalie ! Suta, fai ou aso lalasi, fakasoko au fakapapau ! Talie e leaise toe ano loa le tagata agaveli i loto malie o ou, Kua motusi oki a ia…

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Maleko 13:10

E tonu mua ke fakasa le logo malie ki puleaga fuli.

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 2:10

Kae na pati loa le aselo kia latou : Aua na kotou i ; talie e kau fakasa kia koutou se logo malie, leia e liliu loa ki le kakai katoa ko le tupuaga o se fiafia lasi :

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Efeso 6:15

ti kotou sa taka i okoutou vae ki le mafi o le Evaselio o le tokamalie ;

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 14:6

Ti na kau tio loa ki se tasi ake aselo leia na lele i loto malie o le lagi ; na maua e ia se Evaselio eteleno, ke fakasa kia latou fuli ala na nonofo i le malama nei, ki puleaga fuli, mo faasiga fuli, mo masau fuli, ti mo kakai fuli.