Esaia 52:14 - Tosi Tapu

¹⁴ Na fai a ia ki le toka api pe se nea fakaii, I le lasi o le fetogi o ona mata, I le lasi o le fetogi o lona tino, Talie na leaise koi fai a ia pe se tagata,

Esaia 52:14 ပူးပေါင်းရင်းမြစ်များ

Pesalemo 22:15

E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Pesalemo 22:17

Talie e takatakai au e ni kuli, E mumui se kau kaia i oku tafa, E lotou sokai oku lima mo oku vae.

Pesalemo 71:7

E kau faipe se nea fakaofolele ki se toka api, Kae ko koe, ko loku ulufaga makeke.

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Mateo 26:67

I le nea lena, na lotou anuanusi loa ona mata, mo soka loa a ia, ti mo fepataki loa a ia, o pati :

Mateo 27:14

Ti na leaise tali loa Sesu ki se masau fua e tasi, ti na ofolele lasi ai le kovana i le nea lena.

Mateo 7:28

I le oki o lana masau, na ofolele ai le kakai i lana akonaki ;

Maleko 10:26

Na toe ofolele lasi ake le kau tisipulo, o pati : Ti ko ai loa e feala ke saofaki ?

Maleko 10:32

Na lotou fanoga i le ala ke pale ki Selusalemi, ti na ano Sesu i olotou mua. Na mamae le kau tisipulo, ti na lotou mulimuli iate ia mo se loto i. Ti na toe too loa e Sesu le tino agafulu tupu lua ki ona tafa, ti na kamata fakasa loa e ia kia latou le nea leia e tonu ke soko kiate ia :

Maleko 5:42

I le lakaga fai lena na tuu ake loa le taine ki aluga, o kamata saele ; talie na fetuu kau agafulu tupu lua a ia. Ti na lotou ofolele lasi loa.

Maleko 6:51

Ti na ano loa a ia kia latou, o sopo ki le vaka, ti na malu loa le matagi. Na lotou ofolele fuli loa i olatou loto mo apele i le i.

Maleko 7:37

Na lotou ofolele lasi ai, o pati : E malilie a nea fuli e fai e ia ; e fakamavaa foki e ia a taliga o le kau tuli, ti e fakamasau e ia le kau gutu mate.

Luka 2:47

Ko latou fuli ala na fakalogo kiate ia, na punamauli ki lona atamai ti mo ana tali.

Luka 22:64

Na lotou sai loa ona mata, kae lotou vesili kiate ia, o pati : Mate ! pe ko ai leia na sasa ia a koe ?

Luka 4:36

Na lotou i fuli loa, o lotou fepatiaki : Kolea le folafola leinei ? E lagiaki foki a ia i le pule mo le makeke ki laumalie veli, ti e lotou mavae !

Luka 5:26

Na lotou punamauli fuli, ti na lotou fakakololia ki le Atua, ti na lotou apele i le i, o pati : Kua tou tio i le aso nei ki ni nea foou.