Esaia 52:12 - Tosi Tapu

¹² Aua na kotou mavae fakatavili, Aua na kotou sosola ; Talie e ano loa le Eteleno i okoutou mua, Ti e mulimuli loa le Atua o Iselaele ia koutou.

Esaia 52:12 ပူးပေါင်းရင်းမြစ်များ

Uluaki tosi o Koloniko 14:15

Ka ke logo loa ki le pakaka o ni vae i tumutumu o mulie, ti ke ulu mai loa o taui latou, talie ko le Atua lena e saele i ou mua o taui le solia a le kau Filisitini.

Ekesote 12:11

E kotou kai loa le manu, kae kua kotou toi loa okoutou kilipipi ki okoutou vakavaka, ti kua kotou tui loa okoutou taka ki okoutou vae, ti kua kotou too loa okoutou tokotoko i okoutou lima ; ti e kotou kai fakatavili loa le manu. Ko le Pasikate a ia o le Eteleno.

Ekesote 12:33

Na ekenaki loa le kakai e le kau Esipito ke mavae fakavilivili i le fenua, talie na lotou pati : E motou mamate fuli loa.

Ekesote 12:39

Na lotou fakamoso loa ni kato sala fakatupu ki le falina leia kua lusi, leia na aumai mei Esipito kae na leikiaise tupu, talie na kapu latou mei Esipito, o lotou mavae fakatavili kae na leaise lotou too ia ni nea kai ke ano mo latou.

Ekesote 14:8

Na fakafefeka loa e le Eteleno le loto o Falaone, sau o Esipito, ti na tuli loa e Falaone a fanau a Iselaele. Na mavae loa fanau a Iselaele mo lima na siki i aluga.

Esaia 26:7

Ko le ala o le tagata agatonu ko le maokioki ; Ko koe, e ke agatonu, e ke fakatokatoka le ala o le tagata agatonu.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 45:2

Leia e too e ia i le lima, Ke laku ia ki le kele a atu puleaga i ona mua, Ti ke fakagaga ia le kilipipi o sau, Ti ke fakamavaa ia a matapa, O tupu ke aua na toe tapono latou : E kau saele loa i ou mua, E kau fakatokatoka loa a ala patupatu, E kau fatifatii loa a matapa kapa, Ti e kau fatifatii loa a fakamau ukamea.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 49:11

E kau fetogi loa oku mauga fuli ke alai, Ti e kau fakafoou loa oku ala.

Esaia 51:14

Kua vave fua ti ko leia na mapelu i tini e saofaki loa ; E leaise mate loa a ia i le pilisoni, Ti e leaise puli loa le pane kiate ia.

Esaia 57:18

Na kau tio ki ona ala, Ti e kau fakamauli loa a ia ; E kau liliu loa kiate ia ko lona tagata taki, Ti e kau fakapelepele loa a ia, a ia ti mo latou ala e tagi mo ia.

Esaia 58:8

Ti e sa loa lou malama ofaipe le mafoata, Ti e somo vave loa lou fakamauli ; E saele loa lau faitotonu i ou mua, Ti e ano loa le kololia o le Eteleno mo koe.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Numelo 10:25

Na ano loa le manumanu o le nofolaga o vosa o Tane, mo ona kau tau : na lotou tapono ia loa le fanoga o nofolaga. Na taki le kau tau o Tane e Aiesele, vosa o Amisatai ;

Tetelonome 16:3

I le lolotoga o le aso, ke aua na ke kai loa se pane fakatupu, kae e ke kai loa i aso e fitu ni pane sala fakatupu, se pane o le mamae, talie na ke mavae fakatavili i le fenua o Esipito : o tupu ke fakamanatu ai i lou mauli katoa le aso leia na ke mavae ai i le fenua o Esipito.

Tetelonome 20:4

Talie e saele le Eteleno, lokoutou Atua, mo koutou, o tau mo koutou ki okoutou fili, o tupu ke fakamauli koutou.

Sosue 4:11

I le oki o le fakalaka o le kakai katoa i le Solotane, na toe ano loa le aleka o le Eteleno mo le kau tagata faisakilifisio i mua o le kakai.

Sosue 6:9

Na ano loa le uluaki kau tagata too masafu i mua o le kau tagata faisakilifisio ala na pupusi ia a fakatagi pupusi. Ti na ano loa le lua kau tagata too masafu i muli o le aleka ; na pupusi loa a fakatagi pupusi i le lolotoga o le saele.

Tuifakamaau 4:14

Ti na pati loa Tepola kia Palaki : Tuu ki aluga, talie ko leinei le aso leia e tuku ai loa e le Eteleno a Sisela ki ou lima. E saele le Eteleno i ou mua. Ti na ifo loa Palaki mei le mauga o Tapole, ti na mulimuli loa iate ia se kau tagata e tino agafulu afe.