Esaia 52:11 - Tosi Tapu

¹¹ Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Esaia 52:11 ပူးပေါင်းရင်းမြစ်များ

Uluaki tosi o Koloniko 15:12

Na pati loa Tavite kia latou : Ko pule koutou o famili o le kau Levi ; ke kotou fakamea, a koutou mo okoutou fetaina, ti ke kotou paleaki mai le aleka o le Eteleno, o le Atua o Iselaele, ki le ganea leia kua kau teuteui kiate ai.

Ekesote 30:19

ti e fufulu loa e Alone mo ona vosa olatou lima mo olatou vae ki le vai lena.

Esaia 1:16

Kotou maanu, kotou fakamea, Kotou too i mua o oku mata akoutou gaoi veveli ; Kotou tuku le fai o le nea e veli.

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 66:20

E lotou aumai loa okoutou fetaina fuli mei puleaga fuli, Ofaipe se moliga ki le Eteleno, I ni osi, mo ni saliote ti mo ni palepale, I ni asino ti mo ni kamelo, Ki loku mauga maokioki, Ki Selusalemi, e pati le Eteleno, Ofaipe le aumai e fanau o Iselaele o lalatou moliga, I se ipu mea, Ki le fale o le Eteleno.

Selemia 31:21

Fakatuu ni fakamailoga, fakatuu ni pou, Tokaga ki le ala lasi, mo le ala ikiiki leia na ke ano ai… Toe liliu mai, taine taupoou o Iselaele, Toe liliu mai ki kolo anei o ou !

Selemia 50:8

Kotou sosola i Papilone, kotou sosola i le fenua o le kau Kaletea, Ti kotou fai pe ni koti tagata ala e takitaki ia le kau manu !

Selemia 51:45

Kotou mavae i Papilone, ei loku kakai, Ti ke tasi saofaki e le tagata lona mauli ! Kotou sosola i le sausau lasi o le Eteleno !

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Esekiele 44:23

E lotou ako loa loku kakai ke poto i le fakakesekese o le nea leia e maokioki mo le nea leia e fakamalama, ti e lotou fakasa loa ki le kakai le nea leia e mea mo le nea leia e kelekele.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Levitiko 11:45

Talie ko au ko le Eteleno, leia na fakamavae ia koutou mei le fenua o Esipito, o tupu ke kau liliu ko lokoutou Atua ; ke kotou maokioki talie e kau maokioki.

Levitiko 11:47

O tupu ke kotou iloa kesekese ai a manu ala e mea mo manu ala e kelekele, a manu ala e feala ke kai mo manu ala e leaise feala ke kai.

Levitiko 21:6

E lotou maokioki loa ki lolatou Atua ; ti e leaise lotou fakamatagafua loa le suafa o lolatou Atua, talie e lotou momoli ki le Eteleno a failaulau tutu e le afi, le nea kai o lolatou Atua : e lotou maokioki loa.

Sakalia 2:10

Taine o Sione, Ke ke fai ni kalaga fakafiafia ti ke ke nekenekea ! Talie ko leinei, e kau au, ti e kau nofo loa i loto malie o ou, E pati le Eteleno.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Numelo 16:26

Na masau loa a ia ki le fakatasi, o pati : Ke kotou fakamamao mei falela o tagata agaveveli ana ti ke aua na kotou fafa fua ki se nea e tasi o alatou nea, ke aua na kotou mamate fakatasi loa mo latou, o tupu ko alatou agasala fuli.

Numelo 19:11

Ko leia e lave loa ki se mate, ki se tino o se tasi kua mate, e kelekele loa a ia i aso e fitu.

Numelo 19:16

Ko leia e lave loa i le vao ki se tagata leia na tamate e le seleta, pe ki se tasi leia na mate toka tasi, pe ki ni ivii tagata, pe ki se tanuma, e kelekele loa a ia i aso e fitu.

Numelo 8:6

Ke ke vaei kese le kau Levi mei fanau a Iselaele ti ke fakamea loa latou.

Gaoi 10:14

Kae na tali loa Petelo : Leai, Aliki, talie e leikiaise kau kai fua i se aso ki se nea e tapu pe kelekele.

Gaoi 10:28

Ti na pati loa a ia kia latou : E kotou iloa e tapu ki se Sutea ke fakatasi mo se matapule pe ke ulu ki lona fale ; kae na fakasa mai e le Atua kiate au ke aua na kau tio ki se tagata fua e tasi e tapu pe kelekele.

Loma 14:14

E kau iloa ti e kau tui i le Aliki Sesu, e leaise nea fua e kelekele iate ia, ti koi kelekele se nea ki leia e tui e kelekele a ia.

Lua tosi ki le kau Kolinto 6:17

Koia e pati ai le Aliki : Kotou au kese meia latou, Ti kotou mavae kese, e pati le Aliki ; Aua na kotou fafa ki le nea leia e kelekele, Ti e kau tali loa koutou.

Efeso 5:11

kae aua na kotou kau ki gaoi lee fua a le fakapouli, kae kotou aumai latou ki le malama.

Uluaki tosi a Petelo 2:11

Alofaaga, e kau kole atu kia koutou, ofaipe ni matapule mo ni tagata fanoga i le malama nei, kotou fakamamao mei oli o le tino ala e tau ki le laumalie.

Uluaki tosi a Petelo 2:5

ti ko koutou totonu, ofaipe ni fatu mauli, kotou faufau koutou ke fakatuu se fale fakalaumalie, mo se gaoi fakapelepitelo maokioki, o tupu ke momoli ai ni vikitima fakalaumalie, ala e mata malie ki le Atua ia Sesu-Kilisito.

Apokalipisi 18:4

Ti na kau logo loa ki se tasi ake a leo mei le lagi, na pati : Ei loku kakai, kotou mavae meiate ia, o tupu ke aua na kotou kau i ana agasala, ti ke aua na kotou kau i ona malaia.