Esaia 51:5 - Tosi Tapu

⁵ Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 51:5 ပူးပေါင်းရင်းမြစ်များ

Pesalemo 110:6

E fai e ia le fakamaau i lotolotoga o atu puleaga : kua apele le potu katoa i mate ; E fatifati e ia ni ulu i le fenua katoa.

Pesalemo 67:4

E fakafetai a kakai fuli kiate koe, ei Atua ! E fakafetai a kakai fuli kiate koe.

Pesalemo 85:9

E kau fakalogo loa ki le nea leia e pati loa ki ai le Atua, le Eteleno ; Talie e masau a ia ki le tokamalie ki lona kakai mo lana kau agatonu, O tupu ke aua na lotou toe vilo ki valea.

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 24:15

Koia ke kotou fakakololia ki le Eteleno i ganea fuli ala e mu ai le malama, Io, ki le suafa o le Eteleno, le Atua o Iselaele, i atu motu o le tai !

Esaia 26:4

Kotou fanaki tuumau ki le Eteleno, Talie ko le Eteleno, ko le Eteleno ko le utu o sekulo.

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 40:10

Ko leinei, le Aliki, le Eteleno e au i lona mafimafi, Ti e pule lona lima ; Ko leinei, e au a ia mo le totogi, Ti e muamua a fakapale iate ia.

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 46:13

E kau fakafeofi mai laku faitotonu : e leaise mamao a ia ; Ti ko laku fakamauli : e leaise tuvai loa. E kau tuku loa le fakamauli i Sione, Ti mo loku kololia i Iselaele.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esaia 56:1

Ko leinei le folafola a le Eteleno : Kotou tausi le nea leia e maoki, Kotou fai le nea leia e totonu ; Talie e leaise tuvai loa le au o laku fakamauli Ti mo le fakasa o laku faitotonu.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 60:9

Talie amanaki malie a atu motu kiate au, Ti e muamua a vaka faikoloa o Talesisi, O aumai mei mamao au fanau, Mo alatou paaga ti mo alatou aulo, O tupu ko le suafa o le Eteleno, lou Atua, O tupu ko le Sagato o Iselaele, leia e fakakololia ia a koe.

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Esaia 63:5

Na kau tio saele, kae na leaise tasi ke tokoi mai kiate au ; Na kau punamauli, talie na leaise tasi ke fakamakeke ia a au ; Koia na tokoi ai loa loku lima kiate au, Ti na liliu ai loa loku sausau ko loku tokoi.

Soele 3:12

Ke alaala a atu puleaga, ti ke lotou pale Ki le vaivailiua o Sosafate ! Talie i lena e kau ekeeke loa o fakamaau a puleaga fuli o tafatafa.

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Maleko 16:15

Ti na pati loa a ia kia latou : Kotou ano i le malama nei katoa, ti kotou fakamafola le logo malie ki tagata fuli.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Loma 2:16

E sa loa le nea lena i le aso leia e fakamaaui ai loa e le Atua ia Sesu-Kilisito a gaoi fakapulipuli a tagata, o mulimuli ki laku Evaselio.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Tetelonome 30:14

Kae ko se nea leia e ofi fua iate koe, i lou gutu mo lou loto, o tupu ke ke fai a ia.

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.