Esaia 51:4 - Tosi Tapu

⁴ Ei loku kakai, tokaga ! Ei loku puleaga, fakalogo mai lou taliga ! Talie e ulu atu loa le lao iate au, Ti e kau fakatuu loa laku lao ke liliu ko le malama o kakai.

Esaia 51:4 ပူးပေါင်းရင်းမြစ်များ

Pesalemo 106:5

O tupu ke kau tio ki le manuia o lau kau filifiliia, Ti ke kau fiafia i le fiafia o lou kakai, Ti ke kau fakakololia mo lou tofiga !

Pesalemo 147:20

Na leaise fai fenaaki e ia ki atu puleaga fuli, Ti e leaise lotou iloa fua ana fakatotonu. Kotou fakafetai ki le Eteleno !

Pesalemo 33:12

Manuia le puleaga leia e Atua ki le Eteleno ! Manuia le kakai leia na filifili e ia ko lona tofiga !

Pesalemo 50:7

Fakalogo mai, ei loku kakai ! ti e kau masau loa ; Iselaele ! e kau valoki loa a koe, Ko au ko le Atua, ko lou Atua.

Pesalemo 78:1

Katiko a Asafe. Ei loku kakai, fakalogo mai ki aku akonaki ! Tuku mai lou taliga ki masau o loku gutu !

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Taagapati 6:23

Talie ko le pelesepeto ko se tuuaga malama, ti ko le akonaki ko se fa malama, Ti ko valoki a le tautea ko le ala o le mauli :

Esaia 1:27

E fakamauli loa Sione i le maoki ; Ti ko latou ala e tafoki loa i ai e fakamauli loa i le faitotonu.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 26:2

Kotou fakamavaa a matapa, Kotou tuku ke ulu le puleaga maokioki mo agatonu.

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 42:21

Na loto le Eteleno, ki le fiafia o Iselaele, Ke fakasa se lao lasi mo fulumalie.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Uluaki tosi ki le kau Kolinto 9:21

i latou ala e leaise nofo i le lao a Moisese, na kau faipe se tagata leia e leaise nofo i le lao, (logo ai i mua o le Atua e leaise kau nofo sala lao, talie e kau nofo i le lao a Kilisito), o tupu ke maua ai latou ala e leaise nonofo i le lao a Moisese.

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,