Esaia 51:18 - Tosi Tapu

¹⁸ I vosa fuli ala na fanaui e ia, E leaise tasi fua ke taki ia a ia. I fanau fuli ala na taupau e ia, E leaise tasi fua ke too ia a ia i le lima.

Esaia 51:18 ပူးပေါင်းရင်းမြစ်များ

Sopo 8:20

Leai, e leaise tiaki e le Atua le tagata agatonu, Ti e leaise puipui e ia le tagata agasala.

Pesalemo 142:4

Ka mamae loku laumalie i loku loto, Ko koe, e ke iloa loku ala. I le ala leia e kau saele ai Na lotou fai se masele kiate au.

Pesalemo 88:18

E lotou takatakai au i le aso katoa ofaipe ni vai, E lotou fakatasi fuli o taotao au.

Esaia 41:13

Talie ko au ko le Eteleno, lou Atua, Leia e fakamakeke ia lou lima atamai, Leia e pati atu kiate koe : Aua na ke i ki se nea, E kau au o tokoi kiate koe.

Esaia 45:1

Ko leinei le folafola a le Eteleno ki lana filifiliia, ko Silusi,

Esaia 49:21

Ti e ke pati loa i lou loto : Ko ai leia na fanaui ia latou kiate au ? Talie na kau sala fanau, na kau paa. Na ave popula au, na kapu au e loku avaga : ko ai na taupau ia latou ? Na kau nofo toka tasi : Ko latou anei, na lotou nonofo ifea ?

Esaia 54:11

A koe leia e mamae, mo ta e le afa, ti e leaise fakapelepele e se tasi ! Ko leinei, e kau toe laga loa a koe ki ni fatu fakateuteu fulumalilie, Ti e kau toe fai loa ou fakatafito ki le safile ;

Selemia 10:20

Kua maumau loku falela, Kua motumotu oku maea fuli ; Kua mavae oku vosa iate au, kua lotou pupuli ; E leaise kau maua ia se tasi ke toe fakatuu ia loku falela, Leia ke toe tautau ia oku puipui.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Esekiele 34:6

E sese laku kau manu i aluga o mauga fuli, i aluga o mauga liliki, ti e mavetevete laku kau manu i le fenua katoa. E leaise tokaga se tasi kiate ia, ti e leaise afa a ia e se tasi.

Amosi 5:2

Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Mateo 9:36

I lana tio ki le kakai, na aloalofa loa a ia kia latou, talie ko se kakai fakatotoso mo gaegae ofaipe ni ovi ala e sala tagata tausi ovi.

Maleko 8:23

Na too loa e Sesu le kivi i lona lima, o taki a ia ki le tua kolo ; ti na takai loa e ia a mata o le kivi ki lona savale, ti na teki loa e ia ona lima kiate ia, ti na vesili loa a ia ki le kivi. Pe ke tio ki se nea ?

Gaoi 13:11

Ko leinei : I le lakaga nei, kua vilo kiate koe le lima o le Aliki, e ke kivi loa, ti e leaise ke toe tio loa ki le laa o fualoa. Ti na to loa kiate ia le nenefu mo le fakapouli ; ti na taufa loa a ia, o afa se tasi ke taki ia a ia.

Gaoi 9:8

Na tuu ake loa Saulo mei le kele, ti na logo ai le mavaa o ona mata, kae na leaise tio fua a ia ki se nea ; ti na too loa a ia i lona lima, o taki ki Tamaso.

Epelo 8:9

O leaise faipe le sai leia na kau fai loa mo olatou tamana, Ile aso leia na kau too ai latou i le lima Ke fakamavae latou i le fenua o Esipito ; Talie na leaise lotou kataki fualoa i laku sai, Ti ko au foki na leaise kau tokaga kia latou, e pati le Aliki.