Esaia 51:17 - Tosi Tapu

¹⁷ Ke ke alaala, ke ke alaala ! Ke ke tuu ki aluga, Selusalemi, Leia na inu ia le ipu o lona sausau mei le lima o le Eteleno, Leia na inu ia, na mimiti ia le ipu o le galivale o kaku ki le takele !

Esaia 51:17 ပူးပေါင်းရင်းမြစ်များ

Sopo 21:20

Ko ia totonu leia e tonu ke tio ki lona maumau, Ti ko ia totonu leia e tonu ke inu ia le sausau o le Mafimafi.

Pesalemo 11:6

E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Pesalemo 60:3

Ei Atua ! na ke tiaki matou, na ke veteki matou, Na ke ita : Ke ke toe fakatuu matou ki aluga !

Pesalemo 60:5

Na ke fakatio lou kakai ki ni nea mamafa, Na ke fakainu matou ki se vino fakatupu galivale.

Pesalemo 75:10

E kau fakasa loa a nea ana o lee gato ; E kau sua loa le mauiga o le Atua o Sakopo.

Pesalemo 75:8

Kae ko leia e fakamaau ko le Atua : E tuku e ia ki lalo le tasi, ti e siki e ia ki aluga le tasi.

Esaia 29:9

Ke kotou ofolele ti ke kotou fakaualoa ! Ke kotou tapono okoutou mata ti ke kotou liliu o kivi ! E lotou konana, kae e leaise tupu ko le vino ; E lotou titipa, kae e leaise tupu ko kava makeke.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 51:21

Koia, fakalogo mai ki le nea leinei, a koe leia e fakaaloalofa, A koe leia e kona, kae e leai i le vino !

Esaia 51:22

Ko leinei le folafola a lou Aliki, le Eteleno, Lou Atua, leia e malui ia lona kakai : Ko leinei, e kau too mei lou lima le ipu o le fakagalivale, le ipu o loku sausau. E leaise ke toe inu loa ki ai !

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 63:6

Na kau takatakafi ni kakai i loku ita, Ti na kau fakaliliu latou ke konana i loku sausau, Ti na kau liligi lolatou toto ki le kele.

Selemia 13:13

Ti e ke pati loa kia latou : E folafola le Eteleno, o pati : Ko leinei, e kau fakaapele loa a kakai fuli o le fenua leinei, A sau ala e nonofo i le ekeekeaga fakasau o Tavite, Mo le kau faisakilifisio, mo le kau polofeta, mo le kakai katoa o Selusalemi, E kau fakaapele loa latou fuli ki le vino ke konana.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 25:27

E ke pati loa kia latou : E folafola le Eteleno o kau tau, le Atua o Iselaele, o pati : Kotou inu, kotou konana, kotou lulua, Ti kotou sisiga o leaise toe tuu ki aluga, Mo ka kotou tio loa ki le seleta leia e kau kakau atu loa kia koutou !

Selemia 44:6

Ti na kau liligi loa loku sausau mo loku mafaia, ti na tutu loa a kolo o Suta, mo ala o Selusalemi, ala kua liliu ko ni kolo maumau ata ti ko se toafa, ofaipe le nea e tio ki ai i le aso nei.

Sakalia 12:2

Ko leinei, e kau fakaliliu loa Selusalemi ko se ipu fakatupu ulu vale Ki kakai fuli i ona tafatafa, Ti felaaki foki kia Suta i le aso leia e takatakai ai loa Selusalemi.

Mateo 20:22

Na tali loa Sesu : E leaise kotou iloa le nea leia e kotou kole. Pe feala ke kotou inu le ipu leia e tonu ke kau inu ? Na lotou pati loa : E motou mafai a ia.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Efeso 5:14

Koia e pati ai : Ke ke alaala, a koe leia e moe, Ke ke tuu mei le kau mate, Ti e fakamalama loa a koe e Kilisito.

Tetelonome 28:28

E tautea loa a koe e le Eteleno ki le ulu vale, mo le mata fakapouli, mo le valea.

Tetelonome 28:34

E ke ulu vale loa o tupu ko le nea leia e tio loa ki ai ou mata.

Apokalipisi 14:10

ti e inu loa e ia totonu le vino o le sausau o le Atua, leia kua liligi fakataufua ki le ipu o lona sausau ; ti e fakamamaei loa a ia i le afi mo le sulifa, i mua o le kau aselo maokioki ti mo mua o le Akeno.

Apokalipisi 16:19

Ti na paisi tolu loa le kolo lasi, ti na sosolo loa a kolo o atu puleaga, ti na manatui loa e le Atua a Papilone ko le kolo lasi, ke soli kiate ia le ipu o le vino o lona sausau kaka.

Apokalipisi 18:6

Kotou totogi kiate ia ofaipe lana totogi atu kia koutou, kotou liufaki ana gaoi kiate ia o tua lua. Kotou liligi kiate ia o tua lua le ipu leia na liligi e ia kia koutou.

Tuifakamaau 5:12

Ke ke alaala, ke ke alaala, Tepola ! Ke ke alaala, ke ke alaala, ke ke sua se katiko ! Ke ke tuu ki aluga, Palaki, ti ke ke aumai lau kau pilisoni, vosa o Apinoame !