Esaia 51:15 - Tosi Tapu

¹⁵ Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Esaia 51:15 ပူးပေါင်းရင်းမြစ်များ

Neemia 9:11

Na ke fakamavaa loa le tai i olatou mua, ti na lotou saele loa i le malo i loto malie o le tai ; kae na ke ti loa ki le tai latou ala na tuli ia latou, ti na lotou ogo loa ofaipe se fa fatu i le vai loloto.

Sopo 26:12

E lagai e ia le tai ki lona makeke, Ti e fatii e ia lona fia nealasi ki lona atamai.

Pesalemo 107:25

Na pati loa a ia, ti na fakaagi loa e ia le afa, Leia na laga ia loa a piau o le tai.

Pesalemo 136:13

Ko ia leia na vaelua ia le tai Kula, Talie e lee gato lona manava alofa !

Pesalemo 74:13

Na ke vaelua le tai i lou mafimafi, Na ke fatifatii a ulu o le talakone lasi o le tai ;

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 47:4

Ko lomatou fakamauli, ko leia e igoa ko le Eteleno o kau tau, Ko le Sagato o Iselaele.

Esaia 48:2

Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Esaia 51:10

Pe na leaise ko koe leia na fakamalo ia le tai, A vai o le vanu loloto, Leia na fakamavaa ia i le takele o le tai Se ala ke saele ai latou ala na ke totogi ?

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 31:35

E folafola le Eteleno, leia na fakatupu ia le laa ke fakamalama ia le ao, Leia na fakatuutuu ia le masina mo fetuu ke fakamalama ia le pouli, Leia e fakamalagalaga ia le tai ti e fakagugulu ia ona galu, Leia e igoa ko le Eteleno o kau tau :

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Levitiko 11:44

Talie ko au ko le Eteleno, ko lokoutou Atua ; e kotou maokioki loa, talie e kau maokioki ; ti aua na kotou kelekele loa i se manu i manu fuli ana ala e totolo i aluga o le kele.