Esaia 51:13 - Tosi Tapu

¹³ Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 51:13 ပူးပေါင်းရင်းမြစ်များ

Esitele 5:14

Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Esitele 7:10

Ti na tautau loa a Amane ki le laakau leia na teuteui e ia kia Maletoseo. Ti na malu loa le ita o le sau.

Sopo 37:18

Pe ke mafai ia le folasi o le lagi ofaipe ia, Ke fefeka ofaipe se tiloata ukamea na saka ?

Sopo 9:8

Ko ia toka tasi leia na folasi ia le lagi, Ti e saele a ia i aluga o galu o le tai.

Pesalemo 104:2

E kofu e ia le malama ofaipe se taupulupulu ; E folasi e ia le lagi ofaipe se falela.

Pesalemo 106:13

Kae na lotou galoi vave loa ana gaoiaga, Na leaise lotou talitali loa ki le fakasoko o ana fakatuutuu.

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Esaia 10:24

Kae ko leinei le folafola a le Aliki, le Eteleno o kau tau : Ei loku kakai, leia e nofo i Sione, Aua na ke i ki le tagata Asilia ! E taai e ia a koe ki le laakau, Ti e siki e ia lana tokotoko kiate koe, ofaipe le nea leia na fai e le kau Esipito.

Esaia 14:4

E ke too loa le sua leinei ki le sau o Papilone, Ti e ke pati loa : E a koia ! kua puli le tagata tukipo ! Kua gato le popula !

Esaia 16:4

Tuku le kau popula o Moape ke nofo i lou fenua ; Ke ke liliu kia latou ko se ulufaga i le tagata tukipo ! Talie e gato loa le popula, ti e oki loa le maumaui, Ti e puli loa leia e takatakafi ia le fenua.

Esaia 17:10

O tupu na ke galoi le Atua o lou fakamauli, Na leaise ke manatui le utu o lou ulufaga. Koia na ke fai ai ni oloto malolo, Ti na ke to ai ni tafito vite matapule.

Esaia 40:21

Pe leaise kotou iloa ? Pe na leaise kotou logo ki ai ? Pe na leaise fakasa atu kia koutou i le kamataaga ? Pe na leaise kotou fakakaukau i se aso ki le fakatupu o le malama nei ?

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Esaia 9:4

Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Selemia 2:32

Pe galoi e le taine taupoou ona teu ? Pe galoi e le taine feauaki lona kilipipi ? Kae na galoi au e loku kakai Talu mei fualoa.

Selemia 38:19

Ti na pati loa le sau ko Setesiasi kia Selemia : E kau i ki le kau Sutea ala kua sosola ki le kau Papilone ; talie na lotou tuku au ki olatou lima, ti ke lotou gologolo kiate au.

Selemia 41:18

o mamao mei le kau Kaletea, ala na lotou i ki ai, o tupu ko le tamate e Isemaele, vosa o Netania, a Ketalia, vosa o Asikame, leia na fakanofo e le sau o Papilone ko le kovana o le fenua.

Selemia 51:15

Na fakatupu e ia le malama nei i lona mafimafi, Na fakatafito e ia le kele i lona poto, Na folasi e ia le atu lagi i lona atamai.

Selemia 51:19

Kae e leaise tatau mo latou le vaega o Sakopo ; Talie ko ia leia na fau ia nea fuli, Ti ko Iselaele ko le kakai o lona tofiga. Ko le Eteleno o kau tau ko lona suafa.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:18

Kapau e leai, ke ke iloa, ei aliki sau, e leaise motou tausi loa ki ou atua, ti e leaise motou atolasio loa ki le fakatata aulo leia na ke fakatuu ia.

Taniela 3:19

I le nea lena na toe veli ake loa le itaita o Nepukatenesale, ti na tio faikese loa ona mata kia Satalake, mo Mesake, mo Apeteneko. Na toe masau loa a ia o fakatotonu ke fakavevela le gutuumu o tua fitu ake lona makeke i le fai masani.

Gaoi 12:23

I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 15:55

Ei mate, kofea lou malo ? Ei mate, kofea lou makeke ?

Tetelonome 32:18

Io, Iselaele, na ke tiaki loa le Utu leia na fakatupu ia a koe, Ti na ke galoi loa le Atua leia na fanaui ia a koe.

Tetelonome 6:12

Ka ke kai loa lau nea kai o ke makona, ke ke tokaga ai na galo le Eteleno, leia na fakamavae ia a koe mei le fenua o Esipito, leia na ke popula ai.

Tetelonome 8:11

Ke ke tokaga ai na galo loa iate koe le Eteleno, lou Atua, o ke tiaki loa ana folafola, mo ana fakatotonu, mo ana lao, ala e kau tuku kiate koe i le aso nei.

Epelo 11:15

Kapau na lotou tio ki le fenua leia na lotou mavae mei ai, na faigaofie fai ke lotou toe liliu ki ai.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 20:9

Ti na lotou pale loa ki le fenua, ti na lotou takatakai loa le nofoaga o le kau sagato ti mo le kolo alofaina. Kae na ifo loa se afi mei le lagi o maumaui latou.