Esaia 51:12 - Tosi Tapu

¹² Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 51:12 ပူးပေါင်းရင်းမြစ်များ

Lua tosi o Sau 1:15

Na pati loa le aselo o le Eteleno kia Elia : Ifo mo ia, ti aua na ke i fua kiate ia. Na tuu ake loa Elia, o ifo mo ia ki le sau.

Pesalemo 118:6

E kau le Eteleno mo au, e leaise kau i ki se nea : Kolea e mafai ke fai mai e tagata kiate au ?

Pesalemo 146:4

E ano lalatou tukumanava, e lotou ulu ki le kele, Ti e pupuli noa alatou fakatuutuu i le aso fai lena.

Pesalemo 92:7

E leaise iloa e le tagata valea sana nea i ai, Ti e leaise tokaga fua ki ai le tagata sala atamai.

Taagapati 29:26

E toka api latou ala e afa ia le alofa o leia e pule, Kae ko le Eteleno leia e tuku ia ki le tagata taki toka tasi le nea leia e tonu ke maua e ia.

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 2:22

Kotou fakagato la le tuku o lakotou fanaki ki le tagata, Leia e fakalogo lona mauli ki lana tukumanava : Talie kolea lana nea e mafai ?

Esaia 40:1

Kotou fakafimalie, kotou fakafimalie loku kakai ! E pati lokoutou Atua.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 52:9

Kotou fai fakatasi ni kalaga fakafiafia, Koutou ko maumau o Selusalemi ! Talie e fakapelepele e le Eteleno lona kakai, E toe totogi e ia Selusalemi.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Esaia 61:2

Ke fakasa se fetuu o le kalasia o le Eteleno, Ti mo se aso o le sausau o lotatou Atua ; Ke fakapelepele latou fuli ala e mamae ;

Esaia 66:13

Ofaipe se tagata leia e fakapelepele e lona tinana, E kau fakapelepele felaaki loa koutou ; E kau fakapelepele loa koutou i Selusalemi.

Esaia 8:12

Aua na kotou fakaigoa ko le tau a nea fuli ala e fakaigoa e le kakai leinei ko le tau ; Aua na kotou i ki le nea leia e lotou i ki ai, ti aua na kotou lulu.

Selemia 38:19

Ti na pati loa le sau ko Setesiasi kia Selemia : E kau i ki le kau Sutea ala kua sosola ki le kau Papilone ; talie na lotou tuku au ki olatou lima, ti ke lotou gologolo kiate au.

Selemia 41:18

o mamao mei le kau Kaletea, ala na lotou i ki ai, o tupu ko le tamate e Isemaele, vosa o Netania, a Ketalia, vosa o Asikame, leia na fakanofo e le sau o Papilone ko le kovana o le fenua.

Esekiele 2:6

Ti ko koe, vosa o le tagata, aua na ke i kia latou, aua na ke i kia alatou masau, logo ai e ke maua i ou tafa ni laakau talatala mo ni laakau sukisuki, ti e ke nofo fakatasi mo ni sekolopio ; aua na ke i o tupu ko alatou masau, ti aua na ke lulu o tupu ko olatou mata, talie ko se famili latou o ni kau agatuu.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Soane 14:18

E leaise kau tuku loa koutou ke sala matua, e kau au loa kia koutou.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Uluaki tosi a Petelo 1:24

Talie E fai kanofi fuli pe le mutie, Ti ko lona kololia katoa pe le se o le mutie. Egae le mutie, ti e vilo le se ;

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.

Uluaki tosi a Samuele 17:11

Na logo loa a Saulo mo Iselaele katoa ki masau ana a le Filisitini, ti na lotou lulu loa mo i lasi ai.

Uluaki tosi a Samuele 21:13

Ti na fakatautau loa e ia le tagata vale i olatou mua, o fai loa e ia ni nea fakavalea i olatou mata, pe se tasi leia kua valea ona lima, o vaku e ia matapa, ti mo fakasasali e ia ona savale i lona kaukava.