Esaia 51:10 - Tosi Tapu

¹⁰ Pe na leaise ko koe leia na fakamalo ia le tai, A vai o le vanu loloto, Leia na fakamavaa ia i le takele o le tai Se ala ke saele ai latou ala na ke totogi ?

Esaia 51:10 ပူးပေါင်းရင်းမြစ်များ

Pesalemo 106:10

Na fakamauli loa e ia latou i le lima o leia na vesia kia latou, Na saofaki e ia latou i le lima o le fili.

Pesalemo 106:9

Na valoki loa e ia le tai Kula, ti na malo loa a ia ; Ti na fakasaele loa e ia latou i le loloto ofaipe se toafa.

Pesalemo 74:13

Na ke vaelua le tai i lou mafimafi, Na ke fatifatii a ulu o le talakone lasi o le tai ;

Pesalemo 77:19

Na pa loa lou mana i le asesio, Na fakamalama loa e uila le malama nei katoa ; Na lulu loa le kele i le i.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Ekesote 15:13

Na ke saofaki lou kakai ! Ti na ke taki a ia i lou manava alofa, Na ke taki a ia i lou makeke, Ki le nofolaga o lou maokioki.

Esaia 11:15

E fakamalo loa e le Eteleno le alelo o le tai o Esipito, Ti e siki loa e ia lona lima ki le vaitafe o Eufalate, o pupusi fakamakeke ki ai : E vaei loa e ia a ia i ni magai vai e fitu, Ti e fakalaka loa i ai i ni taka.

Esaia 11:16

Ti e i ai loa se ala ki le toetoega o lona kakai, Leia e toe loa mei Asilia, Ofaipe le ala leia na tuku ki Iselaele, I le aso leia na mavae ai i Esipito.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 35:9

I le ala lena, e leai se laione ; E leaise ano loa i ai se manu fekai, E leaise felavei loa i ai mo se manu fekai. Ko latou ala na saofaki e le Eteleno e saele loa i ai.

Esaia 42:15

E kau maumaui loa a mauga lalasi mo mauga liliki, Ti e kau fakamalo ia loa le lau laakau sesega katoa ; E kau fakaliliu loa a vaitafe ko se kele fefeka, Ti e kau fakamasa loa a vai tanaki.

Esaia 43:16

Ko leinei le folafola a le Eteleno, Leia na tofa ia se ala i le tai, Leia na tofa ia se anoaga i loto malie o atu vai makeke,

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Mikea 7:15

Ofaipe le aso leia na ke mavae ai i le fenua o Esipito, E kau fakatio loa a koe ki ni nea fakamanamana !

Sakalia 10:11

E lotou fakalaka loa i le tai o le mamae, e lotou taai loa a galu o le tai, Ti e malo loa a takele fuli o vaitafe. E taai loa ki lalo le fia nealasi o Asilia, Ti e puli loa le tokotoko fakasau o Esipito.