Esaia 51:1 - Tosi Tapu

¹ Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Esaia 51:1 ပူးပေါင်းရင်းမြစ်များ

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 15:4

Kae i le temi o lolatou mamae na lotou toe liliu ki le Eteleno, le Atua o Iselaele, ti na lotou afa a ia, ti na lotou maua a ia.

Pesalemo 24:6

Ko lena le vaega o le tautupu leia e fetapa kiate ia, O latou ala e afa ia ou mata, Atua o Sakopo ! - Manava.

Pesalemo 94:15

Talie e fai loa le fakamaau o mulimuli ki le faitotonu, Ti e fakamaoki loa ki ai latou fuli ala e agatonu i le loto.

Taagapati 15:9

E fakalialia le Eteleno ki le ala o le tagata agaveli, Kae e alofa a ia ki le tagata leia e muli i le maokioki.

Taagapati 21:21

Ko leia e afa fakamalotoloto ia le faitotonu mo le agamalie E maua ia le mauli, mo le faitotonu, mo le kololia.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Esaia 48:1

Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Esaia 48:12

Sakopo, fakalogo mai kiate au ! Ti mo koe, Iselaele, leia na kau kalagai ! Ko au, io, ko au leia ko le uluaki, Ko au foki leia ko le fakamuli.

Esaia 51:4

Ei loku kakai, tokaga ! Ei loku puleaga, fakalogo mai lou taliga ! Talie e ulu atu loa le lao iate au, Ti e kau fakatuu loa laku lao ke liliu ko le malama o kakai.

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Esaia 55:6

Kotou afa le Eteleno koi maua a ia ; Kotou fetapa kiate ia koi nofo a ia i okoutou tafa.

Esaia 65:10

E liliu loa le Saloni ko se lotoa ke kai ai a kau manu liliki, Ti mo le vaivailiua o Akole ke se maloloaga o le kau manu lalasi, Ki loku kakai leia e afa ia loa a au.

Amosi 5:6

Kotou afa le Eteleno, ti e kotou mauli loa ! Kotou i na too e ia ofaipe se afi le fale o Sosefo, Ti na kai a ia e le afi lena, kae leai se tasi i Petele ke tamate ia le afi !

Sofoni 2:3

Kotou afa le Eteleno, koutou fuli, kau agamalu o le fenua, Ala e fai ia ana fakatotonu ! Kotou afa le faitotonu, kotou afa le fakataulalo ! Lagi e fakamauli loa koutou i le aso o le sausau o le Eteleno.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Loma 14:19

Koia loa, ke tou afa a nea ala e aoga ki le tokamalie ti mo le faufau.

Filipe 3:13

Fetaina, e leaise kau manatu kua kau kukumi a ia ; kae e kau fai se nea e tasi : e kau galoi a nea i muli, kae e kau mafao o tio ki nea i mua,

Uluaki tosi kia Timoteo 6:11

Kiate koe, tagata a le Atua, sola mei nea ana, ti ke ke afa le faitotonu, mo le aga fakaatua, mo le tui, mo le alofa, mo le kataki fualoa, ti mo le agamalu.

Lua tosi kia Timoteo 2:22

Sola mei oli fakavale o le temi tupulaga, ti ke afa le maokioki, mo le tui, mo le alofa, mo le tokamalie mo latou ala e kalaga ki le Aliki i se loto mea.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.