Esaia 50:6 - Tosi Tapu

⁶ Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 50:6 ပူးပေါင်းရင်းမြစ်များ

Neemia 13:25

Na kau fai loa ni valoki kia latou ti na kau tutuku loa latou ; na kau lalava loa ni iki, ti na kau futi loa olatou lau ulu, ti na kau fakatotonu loa ke lotou fakapapau i le suafa o le Atua, ti na kau pati loa kia latou : E leaise kotou soli loa okoutou taineliki ki olatou tamaliki, ti e leaise kotou too loa olatou taineliki ke avaga mo okoutou vosa pe ko koutou totonu.

Sopo 16:10

Kua fakamaga olatou gutu ke lotou kai au, Kua lotou gologolo kiate au ti kua lotou fepataki oku kalaafau, Ti kua lotou kau fuli kiate au.

Sopo 30:10

E lotou fakalialia kiate au, e lotou mafuli kese iate au, Ti e lotou anusi oku mata.

Pesalemo 129:3

Na kenu e ni kau gaoi kele loku tua, Na lotou kenu i ai ni popoko loloa.

Pesalemo 69:7

Ko latou ala e tuku lalatou amanaki malie kiate koe, ke aua na luma o tupu ko au, Aliki, Eteleno o kau tau ! Ko latou ala e afa ia a koe, ke aua na luma o tupu ko au, Atua o Iselaele !

Pesalemo 69:8

Talie ko koe leia e tupu ai laku amo ia le mele, Leia e tupu ai le uufi oku mata e le luma ;

Esaia 53:5

Kae na lavea a ia o tupu ko atatou agasala, Fatii o tupu ko atatou agaveli ; Ko le tautea leia e soli ia kia tatou le tokamalie na vilo kiate ia, Ti ko ona kafo ala e tou mauli ai.

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Tagi laulau a Selemia 3:30

E fakaali loa e ia lona kalaafau ki leia e paai ia a ia, E makona loa a ia i le luma.

Mikea 5:1

Ti ko koe, Peteleemi Efalata, Leia e ikiiki i le tino afe o Suta, Iate koe e au loa kiate au, Leia e pule loa i Iselaele, Leia e pale ana gaoi o kaku ki temi afea, Ki aso o le lee gato.

Numelo 12:14

Ti na pati loa le Eteleno kia Moisese : Kapau na anusi ona mata e lona tamana, pe leaise luma loa a ia i ni aso e fitu ? Ke tapono a ia i ni aso e fitu i fafo o le nofolaga ; kao oki loa a ia, ti o toe fakaulu loa a ia ki le nofolaga.

Mateo 26:67

I le nea lena, na lotou anuanusi loa ona mata, mo soka loa a ia, ti mo fepataki loa a ia, o pati :

Mateo 27:26

Ti na tuku loa e Pilato kia latou Palapasi ; kae na taofi loa e ia Sesu ke sasa ki ni laakau, mo tuku loa a ia ke tutuki i le koluse.

Mateo 27:30

Ti na lotou anuanusi loa a ia, ti na lotou too loa le fa u, o sasa ai lona ulu.

Mateo 5:39

Kae ko au, e kau pati atu kia koutou ke aua na kotou fakatutuu ki le tagata agaveli. Kapau e paai a koe e se tasi i lou kalaafau atamai, tuku ake kiate ia mo leia ake kalaafau.

Maleko 14:65

Ti na kamata anuanu loa ni iki kiate ia, ti na lotou sai loa ona mata, kae lotou soka loa a ia ki olatou kaito, o pati kiate ia : Fakasa mai kia matou pe ko ai leia na soka ia a koe ! Ti na fepataki loa a ia e le kau tagata fakasausau.

Maleko 15:19

Ti na lotou sasa lona ulu ki se fa u, ti na lotou anuanu kiate ia, ti na lotou peluki olatou tuli o tulolo i ona mua.

Soane 18:22

I pati ana, ko se tasi o le kau leo, ala na nonofo i ai, na paai ia loa Sesu, o pati : Pe ke tali fenaaki ki le pule faisakilifisio ?

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.