Esaia 50:2 - Tosi Tapu

² Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 50:2 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Lua tosi o Koloniko 32:15

Ke aua na kakaai koutou e Esekiasi, ti ke aua na fakasese koutou e ia ; aua na kotou fanaki kiate ia ! Talie e leaise atua, pe ko se puleaga, pe ko se fenua, na mafai ke saofaki ia lona kakai mei loku lima, mo le lima o oku tamana : Ko ai ake loa lokoutou Atua, ke saofaki ia koutou mei loku lima !

Pesalemo 106:9

Na valoki loa e ia le tai Kula, ti na malo loa a ia ; Ti na fakasaele loa e ia latou i le loloto ofaipe se toafa.

Pesalemo 107:33

E fakaliliu e ia a vaitafe o toafa, Ti mo matapuna vai ko ni ganea malo,

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 14:29

Kae na saele loa fanau a Iselaele i le malo i loto malie o le tai, ti na tanaki le vai o fakakaua i lolatou fetuu atamai mo lolatou fetuu sema.

Ekesote 7:18

E mamate loa a ika fuli ala e mauuli i le vaitafe, ti e pala loa le vaitafe, ti e leaise mafai loa e le kau Esipito ke lotou toe inu le vai o le vaitafe.

Ekesote 7:21

Na mamate loa a ika ala na mauli i le vaitafe, ti na pala loa le vaitafe ; Na leaise toe mafai loa ke inu le kau Esipito ki le vai o le vaitafe, ti na mafola loa le toto i le fenua katoa o Esipito.

Taagapati 1:24

O tupu na kau kalaga atu kia koutou kae na leaise kotou tali mai ; O tupu na kau falo atu loku lima kae na leaise tokaga se tasi ki ai,

Esaia 11:15

E fakamalo loa e le Eteleno le alelo o le tai o Esipito, Ti e siki loa e ia lona lima ki le vaitafe o Eufalate, o pupusi fakamakeke ki ai : E vaei loa e ia a ia i ni magai vai e fitu, Ti e fakalaka loa i ai i ni taka.

Esaia 19:5

E mamasa loa a vai o le tai, Ti e liliu loa le vaitafe o malo.

Esaia 23:11

Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esaia 36:20

I atua fuli o fenua ana, ko ai ma ala na saofaki ia olatou fenua mei loku lima, ke aga ai le Eteleno o saofaki Selusalemi mei loku lima ?

Esaia 41:28

E kau tio saele, kae e leai fua se tasi, E leaise tasi fua ia latou e faikikite, Ti e mafai ke tali mai, mo ka kau vesili ki ai.

Esaia 42:15

E kau maumaui loa a mauga lalasi mo mauga liliki, Ti e kau fakamalo ia loa le lau laakau sesega katoa ; E kau fakaliliu loa a vaitafe ko se kele fefeka, Ti e kau fakamasa loa a vai tanaki.

Esaia 43:16

Ko leinei le folafola a le Eteleno, Leia na tofa ia se ala i le tai, Leia na tofa ia se anoaga i loto malie o atu vai makeke,

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Esaia 51:10

Pe na leaise ko koe leia na fakamalo ia le tai, A vai o le vanu loloto, Leia na fakamavaa ia i le takele o le tai Se ala ke saele ai latou ala na ke totogi ?

Esaia 54:6

Talie e toe kalagai a koe e le Eteleno ofaipe se fafine tiakina mo mamae i lona loto, Ofaipe se fafine leia na avaga koi muli ti na tiaki, e pati lou Atua.

Esaia 59:1

Leai, e leaise toetoe le lima o le Eteleno ke fakamauli, Pe tulituli lona taliga ke aua na logo.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 63:13

Leia na taki ia latou i loto malie o galu, Ofaipe se osi mauvave i le toafa, Ti na leaise siga fua se tasi ?

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Esaia 66:4

Ko au foki, e kau fiafia loa i lolatou mamae, Ti e kau kakau mai loa kia latou le nea leia e lotou i ki ai ; Talie na kau kalaga, ti na leaise lotou tali mai, Talie na kau masau, ti na leaise lotou fakalogo mai ; Kae na lotou fai le nea leia e veli ki oku mata, Ti na lotou filifili le nea leia e kau vesia ki ai.

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 35:14

Na lotou fakalogo loa ki masau a Sonatape, vosa o Lekape, leia na fakatotonu ki ona vosa ke aua na lotou inu ki le vino, ti na leaise lotou inu ki ai o kaku mai ki le aso nei, talie na lotou fakalogo ki le fakatotonu a lolatou tamana. Ti ko au, na kau masau kia koutou, na kau masau kia koutou koi usu, kae na leaise kotou fakalogo mai kiate au.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Selemia 7:13

Ti ko leinei, e pati le Eteleno, O tupu na kotou fai a nea fuli ana, O tupu na kau masau atu kia koutou i le usu kae na leaise kotou fakalogo mai kiate au, O tupu na kau kalagai koutou kae na leaise kotou fakalogo mai kiate au,

Selemia 7:27

Kapau e ke fakasa kia latou a nea fuli ana, e leaise lotou fakalogo atu loa kiate koe ; Kapau e ke kalaga kia latou, e leaise lotou tali atu loa kiate koe.

Selemia 8:6

E kau tokaga, ti e kau fakalogo : E leaise lotou masau ki le nea leia e tonu ke lotou masau ki ai ; E leaise fakasemala se tasi ki lana agaveli, O pati : Kolea na kau fai ia ? E lotou toe makape fuli, Ofaipe se osi leia e makape ki le tau.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Taniela 6:27

Ko ia leia e saofaki ia ti e fakamauli ia, leia e fai ia ni fakamailoga ti mo ni nea fakamanamana i le lagi mo le kele. Ko ia leia na saofaki ia Taniela mei le makeke o laione.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Naume 1:4

E valoki e ia le tai ti e malo a ia. E fakamasa e ia a vaitafe fuli ; E gae le Pasani mo le Kalemelo, E gae a fitii laakau o Lipane.

Apakuki 3:8

Pe ita le Eteleno ki vaitafe ? Pe mu lou ita ki vaitafe ? Pe ko le tai leia e ke liligi ki ai lou sausau Ke ke eke ai ki au osi, Ti mo lau saliote o le malo ?

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Maleko 4:39

I lana ala ake, na valoki loa e ia le matagi, mo pati ki le tai : Fakalologo ! Manava oki ! Ti na mate loa le matagi, ti na momole oki loa le tai.

Soane 1:11

Na au a ia ki lona kakai, kae na leaise tali a ia e lona kakai.

Soane 3:19

Ti ko leinei le fakamaau lena, na au le malama ki le malama nei, kae na filifili e tagata le fakapouli i le malama, talie na veveli alatou gaoi.

Sosue 3:16

na tuu loa a vai ala na tafe mei mua, o tanaki pe se kaua i se ganea leia na mamao meia latou i mua, i Atama, kolo leia e tuu i tafa o Salatani ; ti na masa katoa loa le vai leia na tafe ki le tai Mate. Na fakalaka loa le kakai i le Solotane i mua o Seliko.