Esaia 50:11 - Tosi Tapu

¹¹ Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Esaia 50:11 ပူးပေါင်းရင်းမြစ်များ

Pesalemo 16:4

E liuliuga a taulaatua, e makape i muli o atua matapule : E leaise kau liligi alatou lipasio toto, E leaise kau too olatou igoa i oku laugutu.

Pesalemo 32:10

E lasi ni mamae e maua e le tagata agaveli ; Kae ko leia e fanaki ki le Eteleno e takatakai a ia e lona kalasia.

Taagapati 26:18

Ofaipe se tagata itaita leia e laku ia ni ugaafi kaka, Ni gasau ti mo le mate,

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Esaia 9:18

Io, e tutu loa e le sausau o le Eteleno o kau tau le fenua, Ti e fai loa le kakai pe se nea kai a le afi ; E leaise saofaki loa e se tasi lona taina.

Selemia 17:4

E ke sala loa i le tofiga leia na kau soli atu kiate koe o tupu ko lau agasala ; E kau tuku loa a koe ke popula ki lou fili, i se fenua leia e leaise ke iloa ; Talie na kotou tutu le afi o loku sausau, Ti e ula loa a ia o lee gato.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Amosi 4:10

Na kau kakau ki loto malie o koutou le taumasaki veli leia na maua i Esipito ; Na kau tamate okoutou tagata tupulaga ki le seleta, Ti na kau tuku ke too akoutou osi ; Na kau fakasauga okoutou pogoiisu ki le namuku o okoutou nofolaga solia. Kae logo ai le nea lena, na leaise kotou toe liliu mai kiate au, e pati le Eteleno.

Amosi 4:9

Na kau tautea koutou ki le mamate mo le masunu ; Na kai e seseivaka Okoutou oloto mauke, mo okoutou vite, mo okoutou fiki, mo okoutou oliveto. Kae logo ai le nea lena, na leaise kotou toe liliu mai kiate au, e pati le Eteleno.

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Apakuki 2:13

Ko leinei, kua fakapapau le Eteleno o kau tau : E gaoi a kakai ki le afi, E pakia noa a atu puleaga.

Mateo 22:13

Ti na pati loa le sau ki ana tagata fakasausau : Kotou sai ona vae mo ona lima, ti kotou ti a ia ki le fakapouli i fafo, leia e logo ai loa ki ni tagi mo ni fetati o nifo.

Mateo 8:12

Kae e ti loa a vosa o le Puleaga ki le fakapouli o fafo, ki le ganea leia e logo ai loa ni tagi mo ni fetati o nifo.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Soane 9:39

Ti na pati loa Sesu : Na kau au ki le malama nei o tupu ko se fakamaau : talie ke tio latou ala na kivi, ti ke liliu o kivi latou ala na tio.

Loma 10:3

I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;

Sakopo 3:6

Ti ko le alelo foki ko se afi ; ko se malama a ia o le agasala. Kua fakatuu le alelo i lotolotoga otatou koga tino, o fakakelekele le tino katoa. E tutu e ia lotatou mauli katoa ki le afi leia e au kiate ia mei Ifeli totonu.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.