Esaia 50:1 - Tosi Tapu

¹ Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 50:1 ပူးပေါင်းရင်းမြစ်များ

Uluaki tosi o Sau 21:25

Na leaise tasi kua fakatau ia a ia ofaipe Akapo ke fai le nea leia e veli ki mata o le Eteleno, ti na fakamakeke a ia e Sesapele, lana avaga.

Lua tosi o Sau 17:17

Na lotou momoli loa i le afi olatou vosa mo olatou taineliki, ti na lotou fai loa a nea fakakikite mo nea fakatemonio, ti na lotou fakatau loa latou ke fai le nea leia e veli ki mata o le Eteleno, o tupu ke ita ai.

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Neemia 5:5

Kae ko leinei e tatau lomatou kanofi mo le kanofi o omatou fetaina, ti e tatau amatou fanau mo alatou fanau ; ti ko leinei e tonu ke motou tuku amatou fanau ke fakapopulai, ti kua toka api i omatou taineliki kua fakapopulai ; e leaise tasi ake puleaki e motou maua, talie kua maua amatou faisaga mo omatou vite e latou ala e motou tuu maua ki ai.

Esitele 7:4

Talie kua fakatau matou, a au mo loku kakai, ke maumaui, ke tamate, ke fakapuli. Ti kapau na fakatau matou ke motou liliu fua ko ni tagata mo ni fafine fakasausau, e kau fakaleemu loa, talie e leaise uiga ke fakapakia le sau ki le nea lena.

Pesalemo 44:12

E ke tuku matou kia latou ofaipe ni ovi kua filifili ke tamate ; E ke veteki matou i atu puleaga.

Ekesote 21:7

Kapau e fakatau loa e se tagata lona taine ke liliu o popula, ti e leaise mavae loa le taine ofaipe le mavae a le kau popula masani.

Esaia 1:28

Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 27:8

Leai ! Na ke fakafuafua lona tautea i lona ave fakapopula, I lona ave e le matagi fakaii o le potu esite.

Esaia 43:27

Na agasala lou uluaki tamana, Ti na agatuu kiate au ou fakafofoga.

Esaia 46:8

Kotou manatui a nea ana, Ti kotou faipe ni tagata ! Tagata agasala, kotou fakakaukau !

Esaia 52:3

Talie ko leinei le folafola a le Eteleno : Na fakatau noa koutou, Ti e leaise toe totogi loa koutou ki se paaga.

Esaia 54:6

Talie e toe kalagai a koe e le Eteleno ofaipe se fafine tiakina mo mamae i lona loto, Ofaipe se fafine leia na avaga koi muli ti na tiaki, e pati lou Atua.

Esaia 54:7

I se ga temi ikiiki na kau tiaki a koe, Kae i se alofa lasi e kau tali loa a koe ;

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Oseo 4:5

E ke siga loa i le ao, E siga loa le polofeta mo koe i le pouli, Ti e kau maumaui loa lou tinana.

Levitiko 25:39

Kapau e liliu loa lou taina o mativa i ou tafa, ti e fakatau loa a ia totonu kiate koe, aua na ke fakagaoi loa a ia ke tatau mo se tagata popula.

Mateo 18:25

Na leaise maua e ia se nea leia ke ui ai lona maua, ti na fakatotonu loa e lona pule ke fakatau a ia, mo lona avaga, mo ana fanau, mo nea fuli ala na maua e ia, ke ui ai le maua.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?