Esaia 5:8 - Tosi Tapu

⁸ Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 5:8 ပူးပေါင်းရင်းမြစ်များ

Sopo 15:28

Ti e nofo a ia i ni kolo maumau, Mo ni fale kua tiaki, Ti kua vave sosolo fua.

Sopo 20:21

Na leaise sao fua se tasi i lona uakai, Koia e leaise fualoa ai loa lona fiafia.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Esekiele 11:15

Vosa o le tagata, ko ou fetaina, io, ko ou fetaina totonu, Ala o lou famili, ti mo le fale katoa o Iselaele, Ala e pati ki ai le kakai o Selusalemi : Kotou nonofo mamao i le Eteleno, Na soli mai le fenua kia matou ke motou maua tofiga.

Esekiele 33:24

Vosa o le tagata, e pati latou ala e nonofo i kolo maumau o le fenua o Iselaele : Na toka tasi Apalaamo, kae na maua e ia le fenua ; kia tatou anei kua toka api, kua soli mai le fenua kia tatou.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 2:2

E lotou manumanu ki ni faisaga, ti e lotou too fakamakeke latou ; Ni fale, ti e lotou too fakamakeke latou ; E lotou too fakamakeke le tagata mo lona famili, Le tagata mo lona tofiga.

Apakuki 2:6

Pe leaise liliu loa a ia ki kakai fuli ko ni nea fakakatai, Mo se nea fakagologolo mo se nea fakaofolele ? E pati loa : Malaia ki le tagata leia e fakatuuga ia a nea ala e leaise ko ni ana nea ! E kaku loa ki afea ?… Malaia ki le tagata leia e fakatuuga ia ona maua !

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.