Esaia 5:7 - Tosi Tapu

⁷ Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 5:7 ပူးပေါင်းရင်းမြစ်များ

Senesi 4:10

Ti na pati loa le Atua : Kolea le nea leia kua ke fai ? E tagi mai kiate au le leo o le toto o lou taina mei le kele.

Lua tosi a Samuele 7:10

na kau soli se nofoaga ki loku kakai, ki Iselaele, ti na kau to a ia ke tuumau ti ke aua na toe galulu, ti ke aua na toe fakavelivelii a ia e le kau agaveli ofaipe mua,

Sopo 34:28

Na lotou fakamakeke le mativa ke tagi ki le Atua, Ti na lotou fai ke tokaga le Atua ki le tagi a le fakaaloalofa.

Pesalemo 147:11

E alofa le Eteleno kia latou ala e i kiate ia, Latou ala e amanaki malie ki lona agamalie.

Pesalemo 149:4

Talie e fiafia le Eteleno i lona kakai, E tuku e ia le kololia ki le kau agamalu, o fakamauli latou.

Pesalemo 80:15

Ei Atua o kau tau, toe liliu mai ! Tagaki mei lagi, o tio ! Fai se nea ki le vite leinei !

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Taagapati 21:13

Ko leia e tapono ia lona taliga ki le kalaga a le tagata mativa, E kalaga loa a ia totonu, kae e leaise maua loa e ia se tali.

Ekelesiasi 4:1

Na kau fakakaukau foki ki fakamakeke fuli ala e fai i le lalo laa ; ti ko leinei, kua taomia le kakai, mo fetagisi, ti e leaise tasi ke fakapelepelei ia latou ! E kau le pule mo le kau fakamakeke, kae e leaise tasi ke fakapelepelei ia latou.

Katiko o Katiko 7:6

Ko lou ulu e malaga ki aluga ofaipe le Kalemelo, Ti ko le lau o lou ulu e faipe le kie kula ; E sai se sau e ni fili takamilomilo o lou ulu !…

Esaia 1:21

Kolea koia ! Kua liliu foki le kolo agatonu ko se fafine faiaga ! I mua na apele a ia i le fakaapaapa ki le lao, ti na nofo i ai le faitotonu ; Kae i le temi nei kua i ai ni tagata tukipo !

Esaia 1:6

Mei le tagavae o kaku ki le ulu, e leaise ganea fua koi malie : Ko lavea ata, mo kafo, mo papala, Ala na leaise sai, pe na faitoo, pe na tului ki se lolo.

Esaia 27:2

I le aso lena, Ke kotou sua se katiko o le vite.

Esaia 3:14

Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 3:15

E folafola le Aliki, le Eteleno o kau tau : Ko ai na pati ke kotou takatakafi loku kakai, Ti ke kotou fakavelivelii ia le kau mativa ?

Esaia 3:17

E fakaliliu loa e le Eteleno ke tula a tumuaki o ulu o taineliki o Sione, Ti e fakasa loa e le Eteleno lolatou telefua.

Esaia 30:12

Koia e folafola ai le Sagato o Iselaele, o pati : O tupu kua kotou tiaki le folafola lena, Ti kua kotou fanaki ki le agamakeke mo puleaki kaka, Ti kua kotou tuku kia latou lakoutou tui,

Esaia 46:12

Kotou fakalogo mai kiate au, kakai loto fefeka, Ala ko fili o le maoki !

Esaia 5:2

Na fakamaluu loa e ia le kele, Na sau loa e ia a fatu, Ti na to loa e ia i ai se uli vite malie. Na fakatuu loa e ia se tule i loto malie ; Na kenu foki e ia se fa tane tatau vite i ai. Ti na amanaki malie loa a ia e soli loa e ia se fua malie, Kae na tuku loa e ia se fua veli.

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Esaia 59:14

Koia na mavae ai le tokoi, Ti na mamao ai le fakamauli ; Talie e siga le maoki i le malae fakafenua, Ti e leaise mafai ke fakafeofi ki ai le faitotonu.

Esaia 59:4

E leaise fai e se tasi se tagi i le maoki, E leaise fai e se tasi se fakamaau i le faitotonu ; E lotou fanaki ki nea noa, ti e lotou lau ni nea salasala ; E lotou fakakaukaui le veli, ti e lotou fanaui le agasala.

Esaia 62:5

Ofaipe se tama tupulaga leia e pipiki ki se taine taupoou, E pipiki loa ou vosa kiate koe ; Ofaipe le taine feauaki leia e fai ia le fiafia o lona avaga, E ke fai ia loa le fiafia o lou Atua.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 24:2

Na tuku ni fiki malilie saosaoa i se kete e tasi, ofaipe ni fiki o le uluaki taukai fiki, kae na tuku i leia ake a kete ni fiki veveli, ala na leaise feala ke kai, o tupu ko lolatou fua veveli.

Selemia 50:46

I le logo ki le too o Papilone, e galulu le malama nei, Ti e logo se tagi i lotolotoga o atu puleaga.

Esekiele 22:29

Kua vilo le kakai o le fenua ki le agamakeke, ti kua lotou fai ni kaia, ti kua lotou fakamamae le fakaaloalofa mo le mativa, ti kua lotou takatakafi ki lalo le matapule, ti kua lotou maumaui a lao fuli.

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Mikea 6:12

Talie kua apele i le agamakeke le kau mou koloa o le kolo leinei, Ti kua masau loi lona kakai, Ti kua kaka olatou alelo i olatou gutu.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Apakuki 1:3

Kolea e ke fakatio ai au ki le agaveli, Ti e ke tio ai ki le lee faitotonu ? Kolea e tuu ai le fakaveliveli mo le fakamakeke i oku mua ? I ganea fuli, e malaga ake ni fakamaau mo ni fefele.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.