Esaia 5:4 - Tosi Tapu

⁴ Kolea mo se nea ke fai ki laku vite, leia na leikiaise kau fai ki ai ? Kolea na kau amanaki malie ai ki se fua malie, ti na fua veli a ia ?

Esaia 5:4 ပူးပေါင်းရင်းမြစ်များ

Ekesote 37:22

Na fai a pome mo maga o le tuuaga malama ki le potu aulo e tasi leia na tuki ; ko le potu aulo e tasi na tuki, ti ko se aulo mea a ia.

Esaia 1:5

Koa ni tautea foou ke teki kia koutou ? Talie kua kotou liuliuga akoutou agatuu. Kua masaki le fa ulu katoa, Ti kua mamae le mafu katoa.

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Selemia 2:5

E masau le Eteleno, o pati : Kolea le veli leia na maua e okoutou tamana iate au, Ke lotou fakamamao ai iate au, Ti ke lotou mulimuli ai i ni nea noa, Ke lotou liliu ai ko ni nea noa ?

Selemia 24:2

Na tuku ni fiki malilie saosaoa i se kete e tasi, ofaipe ni fiki o le uluaki taukai fiki, kae na tuku i leia ake a kete ni fiki veveli, ala na leaise feala ke kai, o tupu ko lolatou fua veveli.

Selemia 7:25

Talu mei le aso leia na mavae ai okoutou tamana i le fenua o Esipito, O kaku mai ki le aso leinei, Na kau kakau atu kia koutou aku tagata fakasausau fuli, le kau polofeta, Na kau kakau atu latou kia koutou i aso fuli, mei le usu.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !