Esaia 5:30 - Tosi Tapu

³⁰ I le aso lena, e i ai loa se gugulu i ona tafa, Ofaipe le gugulu o le afa i le tai ; Ka tio ki le fenua, e tio loa ki le fakapouli ata, Mo ni tuania ti mo ni amanaki malie o faifai lakaga ; Ti e fakapouli loa le lagi.

Esaia 5:30 ပူးပေါင်းရင်းမြစ်များ

Ekelesiasi 12:2

Too mei lou loto le mamae ti ke fakamamao le veli mei lou tino ; talie e vaiga le temi tupulaga o tatau mo le mafoata.

Esaia 13:10

Talie e leaise toe mu loa a fetuu o le lagi mo fetuu liliki fuli, Ti e fakapouli loa le laa i lona sopo, Ti e leaise toe mu loa le masina.

Esaia 13:4

Kua logo ki se logoa i mauga, Ofaipe se logoa a se kakai toka api ; Kua logo ki se gugulu a ni puleaga mauke, ni puleaga ala kua fakatasi : Kua fakatele e le Eteleno o kau tau le solia leia ka ano o tau.

Esaia 17:12

Oi, kolea le logoa leinei pe ni kakai toka api ! E lotou logoa ofaipe le logoa a le tai. Kolea kua logoa ai a atu puleaga ! Kua lotou gugulu ofaipe le gugulu o ni atu vai makeke.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 59:9

Koia e mamao ai le saofaki ia matou ; Ti e leaise kaku mai ai le fakamauli kia matou ; E motou talitali ki le malama, ti ko leinei ko le fakapouli, Ki le mafoata, ti e motou saele i le pouli.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 13:16

Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Selemia 30:5

E folafola le Eteleno, o pati : E motou logo ki ni kalaga fakaii, Ko le malaia, kae e leaise ko le tokamalie.

Selemia 50:42

E lotou too le kalolo mo le tao ; E lotou tukipo, sala manava alofa ; E gugulu lolatou leo ofaipe le tai ; E lotou eke i ni osi, O teuteu pe se fa tagata e tasi, Ke tau kiate koe, taine o Papilone !

Selemia 6:23

E lotou too le kalolo mo le tao ; E lotou tukipo, sala manava alofa. E gugulu lolatou leo ofaipe le tai. E lotou eke i ni osi, O fakaatu pe se tagata e tasi, Ke taui a koe, taine o Sione !

Tagi laulau a Selemia 3:2

Na taki e ia au, o ave ki le fakapouli, Kae leai ki le malama.

Esekiele 26:3

O tupu ko le nea lena, e folafola le Aliki, le Eteleno, o pati : Ko leinei, e kau mamafa kiate koe, Tile ! E kau tuku loa ke pale kiate koe ni puleaga mauke, Ofaipe le pale o galu o le tai.

Soele 2:10

I olatou mua e lulu le kele, E galulu le atu lagi, E fakapouli le laa mo le masina, Ti e puli le gigila o fetuu.

Amosi 5:18

Malaia kia latou ala e oli ki le aso o le Eteleno ! Kolea le nea leia e kotou talitali ki ai i le aso o le Eteleno ? Ki se aso manuia ? Leai, talie ko se aso fakapouli.

Amosi 8:9

I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Mateo 24:29

I le oki fai o aso mamae ana, e fakapouli loa le laa, ti e leaise toe malama loa le masina, ti e vivilo loa a fetuu mei lagi, ti e galulu loa a makeke o le atu lagi.

Apokalipisi 6:12

Ti na kau tio loa, i lana fakamavaa le ono fakamau ; ti na to loa se mafuike lasi, ti na liliu loa le laa o uli ofaipe se taga fului osi, ti na liliu loa le masina katoa o kula ofaipe le toto,