Esaia 5:29 - Tosi Tapu

²⁹ E fai lana gugulu pe le tagi a le laione fafine ; E tagi a ia ofaipe ni uviki laione, e gugulu a ia ti e uuti e ia lana nea kai ; E ave e ia a ia, ti e leaise tasi e au o taofi a ia.

Esaia 5:29 ပူးပေါင်းရင်းမြစ်များ

Senesi 49:9

Ko Suta ko loku vosa, e ke faipe se laione muli. E ke au mei le tamatea, ei loku vosa ! E peluki e ia ona vae o moe pe se laione tagata, Ofaipe se laione fafine : Ko ai e toe lagai ia a ia ki aluga ?

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 31:4

Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Esaia 35:9

I le ala lena, e leai se laione ; E leaise ano loa i ai se manu fekai, E leaise felavei loa i ai mo se manu fekai. Ko latou ala na saofaki e le Eteleno e saele loa i ai.

Esaia 42:22

Kae ko se kakai kua kaia ona koloa, ti kua nofo telefua ! Kua saisai latou fuli ki ni tini i ni ana, Ti kua fufu latou i ni fale pilisoni ; Kua tuku latou ki le kaia, ti e leaise tasi fua ke saofaki ia latou ! Kua kaia olatou koloa fuli, ti e leaise pati se tasi : Ke toe fakaliliu !

Esaia 47:15

Ko lena loa le anoaga o latou ala na ke pakia i le afa ki ai. Ti ko latou ala na faikoloa mo koe talu mei lou ikiiki E mavetevete loa o tasi ano ki lona fetuu : E leaise au loa se tasi o tokoi kiate koe.

Selemia 2:15

E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 49:19

Ko leinei, tatau mo se laione, e pale a ia mei laugutu matasoka o le Solotane Ki le nofoaga makeke ; Fokifa e kau kapu loa Etome mei ai, Kae kau fakanofo loa kiate ia leia na kau filifili. Talie ko ai e tatau mo au ? Ko ai e tuku ia loa ni fakatotonu kiate au ? Ti ko ai le pule e mafai ke tuu loa i oku mua ?

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 51:38

E lotou gugulu fakatasi loa ofaipe ni laione, E lotou tagi loa ofaipe ni uviki laione.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Naume 2:11

E kaia, e maumaui, e fetuku ! Ti kua gaegae a loto, Kua mapelu a tuli ki lalo, Kua mamae a ifiifi, Kua fakalaulautetea a mata.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Sakalia 11:3

Kua tagi laulau le kau tausi manu, Talie kua maumau lolatou kololia ; Kua fetagisi a uviki laione, Talie kua ti ki lalo le fia nealasi o le Solotane.

Numelo 24:9

E peluki e ia ona tuli, ti e moe a ia ofaipe se laione tagata, ofaipe se laione fafine : Ko ai e toe fakatuu ia loa a ia ki aluga ? Ke tapuakina leia e tapuaki loa kiate koe, Ti ke malaia leia e fakamalaia loa a koe !