Esaia 5:26 - Tosi Tapu

²⁶ Kua siki e ia se manumanu ki kakai mamao, Ti e vekai e ia se kakai mei potupotu o le malama nei : Ti ko leinei, kua kaku fakatavili mai aifai a ia.

Esaia 5:26 ပူးပေါင်းရင်းမြစ်များ

Pesalemo 60:4

Na ke luui le malama nei, na ke saei a ia : Ke ke toe tapono ona pu, talie kua vave siga fua a ia !

Pesalemo 72:8

E pule loa a ia mei se tasi a tai ki le tasi a tai, Ti mei le vaitafe lasi o kaku ki potupotu o le malama nei.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 11:12

E siki loa e ia se manumanu ki atu puleaga, E fakatasi loa e ia le kau popula o Iselaele, Ti e aumai loa e ia le kau mavetevete o Suta, Mei potupotu e fa o le malama nei.

Esaia 13:2

Kotou fakatuu se manumanu i se mauga tula, Kotou kalaga kia latou, Kotou taukalo ki le lima, Ti ke lotou ulu i matapa o le kau tukipo !

Esaia 13:3

Kua kau tuku ni fakatotonu ki laku solia maokioki, Ti kua kau kalagai a kau toa o loku sausau, latou ala e fiafia i loku mafimafi.

Esaia 13:4

Kua logo ki se logoa i mauga, Ofaipe se logoa a se kakai toka api ; Kua logo ki se gugulu a ni puleaga mauke, ni puleaga ala kua fakatasi : Kua fakatele e le Eteleno o kau tau le solia leia ka ano o tau.

Esaia 13:5

Kua lotou au mei se fenua mamao, Mei potupotu o le lagi : Ko le Eteleno mo nea gaoi o lona sausau ka maumau ia loa le fenua katoa.

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 31:9

E sola loa lona utu i lona i, Ti e lulu loa lona kau pule i mua o le manumanu ; E pati le Eteleno, leia e tuu lana afi i Sione, Ti mo lana gutuumu kaka i Selusalemi.

Esaia 39:3

Ti na ano loa le polofeta ko Esaia ki le sau ko Esekiasi, o pati kiate ia : Koa masau a tagata ana ? Na lotou au meifea ? Ti na tali loa Esekiasi : Na lotou au kiate au mei se fenua mamao, mei Papilone.

Esaia 7:18

I le aso lena, e vekai loa e le Eteleno a lago Ala e nonofo i gatoaga o vaitafe o Esipito, Ti mo lago meli ala e nonofo i le fenua o Asilia ;

Selemia 4:13

Ko leinei e saele mai le tagata maumau ofaipe ni ao ; E fai ana saliote pe se asesio, E gasolo ake ana osi i akuila. Malaia kia tatou, talie kua maumaui tatou !

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !

Tagi laulau a Selemia 4:19

Na gasolo ake omatou kau fakaveliveli I akuila o le lagi ; Na lotou tilii matou i mauga, Na lotou fakatuu ni masele i le toafa kia matou.

Esekiele 38:17

Koia e folafola ai le Aliki, le Eteleno, o pati : Pe ko koe leia na kau masau ki ai i mua I aku tagata fakasausau le kau polofeta o Iselaele, Ala na kikite i le temi a ia, i lolotoga o fetuu, E kau aumai loa a koe kia latou ?

Soele 2:7

E lotou oso ofaipe ni tagata tau, E lotou kava i kaua ofaipe ni tagata tau ; E tasi ano le tagata i lona ala, E leaise toe maliu kese a ia i lona ala.

Apakuki 1:8

E gasolo ake ana osi i leopale, Ti e lotou makamu ake i lupo o le afiafi. E saele ana tagata eke osi i le fia nealasi, E au ana tagata eke osi mei mamao, E lotou lele ofaipe le akuila leia e oso ki lana nea kai.

Sakalia 10:8

E kau vekai ia loa latou ti e kau fakatasi loa latou, talie e kau totogi latou, Ti e lotou liuliuga loa ofaipe le temi mua.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,