Esaia 5:25 - Tosi Tapu

²⁵ Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 5:25 ပူးပေါင်းရင်းမြစ်များ

Uluaki tosi o Sau 14:11

Ko leia o le fale o Selopoamo e mate loa i le kolo e kai loa e kuli, ti ko leia e mate loa i faisaga e kai loa e manu lele o le lagi. Talie kua masau le Eteleno.

Uluaki tosi o Sau 16:4

Ko leia o le fale o Paesa e mate loa i le kolo e kai loa e kuli, ti ko leia i lona fale e mate loa i faisaga e kai loa e manu lele o le lagi.

Uluaki tosi o Sau 21:24

Ko leia o le fale o Akapo e mate loa i le kolo e kai loa a ia e kuli, ti ko leia e mate loa i faisaga e kai loa a ia e manu lele o le lagi.

Lua tosi o Sau 13:3

Na vilo loa le sausau o le Eteleno ki Iselaele, ti na tuku loa e ia latou ki lima o Asaele, sau o Silia, ti mo lima o Pene-Atate, vosa o Asaele, i le temi katoa na mauli ai a sau ana.

Lua tosi o Sau 9:37

ti e fai loa le tino o Sesapele pe ni faikauga i aluga o faisaga, i le faisaga o Siseleele, ti e leaise toe mafai loa ke pati : Ko Sesapele.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Sopo 9:13

E leaise ma taofi le sausau o le Atua. E mapelu ki lalo i ona vae a fanakiaga o le kau fia nealasi

Pesalemo 106:40

Na ula loa le sausau o le Eteleno ki lona kakai, Ti na fakalialia loa a ia ki lona tofiga.

Pesalemo 114:7

Ei malama nei, ke ke lulu i mua o le Aliki, I mua o le Atua o Sakopo,

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Pesalemo 68:8

Ei Atua ! I le aso leia na ke saele ai i mua o lou kakai, I le aso leia na ke saele ai i le toafa. - Manava.

Pesalemo 77:18

Na liligi loa e ao ni ua lalasi, Na gugulu loa le mana i ao, Ti na mafitifiti loa au gasau i potu fuli.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 83:10

Fai kia latou ofaipe Matiane Ofaipe Sisela, ofaipe Sapini i le vaitafe o Kisoni !

Ekesote 7:19

Na pati loa le Eteleno kia Moisese : Pati kia Alone : Too lou tokotoko, ti falo lou lima ki vai fuli o le kau Esipito, ki olatou vaitafe lalasi, mo olatou vaitafe liliki, mo olatou vai tanaki, mo olatou sosoni, mo olatou tanakiaga vai fuli. E liliu loa a vai fuli o toto ; ti e maua loa le toto i le fenua katoa o Esipito, o kaku ki loto o ipu laakau mo ipu fatu.

Esaia 10:4

E tulolo loa ni iki i loto malie o le kau popula, Ti e vivilo loa ni iki i lotolotoga o le kau mate. Kae logo ai a nea fuli ana, e leaise malu le sausau o le Eteleno, Kae koi falo aifai lona lima.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 14:19

Kae ko koe, kua ti a koe o mamao i lou tanuma, Ofaipe se toe leia na vilo kua fakalialia, Ofaipe ni tino o ni iki na motumotu i le seleta, Ti na tiaki fakaveliveli ki fatu o le kau ala, Ofaipe se mate na takatakafi e vae i le tau.

Esaia 23:11

Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esaia 25:11

I loto o le popoko lena, e falo e ia ona lima, Ofaipe se tasi leia e kakau ; Kae e taai loa e le Eteleno ki lalo lona fia nealasi, Ti e maumaui loa e ia a gaoi kaka o ona lima.

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 42:25

Koia na liligi ai e ia ki Iselaele le vevela o lona ita, Ti mo le makeke o le tau ; Ti na tutu a ia e le tau mei potu fuli, kae na leaise matala fua a ia ; Na vela a ia i le tau, kae na leaise tokaga fua a ia ki ai.

Esaia 51:20

Kua konana ou vosa, ti kua lotou momoe i poko o ala fuli Ofaipe le tia i se kupega, O tupu ko le sausau o le Eteleno, Mo valoki a lou Atua.

Esaia 64:3

Talie e talu mei le kamataaga o le malama nei, E leikiaise logo se taliga, Pe tio se mata ki se tasi ake atua iate koe, Kua fai ia ni nea ana kia latou ala e fanaki kiate ia.

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Esaia 66:24

Ti ka mavae loa mei ai, e tio loa Ki mate o latou ala na agatuu kiate au ; Talie e leaise mamate loa olatou ilo, ti e leaise toe mate loa lolatou afi ; Ti e lotou liliu loa ko se nea fakalialia ki le kakai katoa.

Esaia 9:11

Le kau Silia i le potu esite, mo le kau Filisitini i le potu uesite ; Ti e lotou kai maaga loa Iselaele. Kae logo ai a nea fuli ana, e leaise malu loa lona itaita, Ti koi falo aifai lona lima.

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.

Esaia 9:20

E kai e Manase a Efalaimi, ti e kai e Efalaimi a Manase, Ti e la oso fakatasi o kai a Suta. Kae logo ai nea fuli ana, e leaise makona aifai le sausau o le Eteleno, Kae koi falo aifai lona lima.

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 17:4

E ke sala loa i le tofiga leia na kau soli atu kiate koe o tupu ko lau agasala ; E kau tuku loa a koe ke popula ki lou fili, i se fenua leia e leaise ke iloa ; Talie na kotou tutu le afi o loku sausau, Ti e ula loa a ia o lee gato.

Selemia 4:24

E kau tio ki atu mauga, ti ko leinei, kua lotou lulu ; Ti kua sisiga a mauga liliki fuli.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Selemia 6:12

E tuku loa olatou fale ki ni iki, Mo olatou faisaga ti mo alatou avaga, I le aso leia e falo ai loa loku lima ki le kakai o le fenua, E pati le Eteleno.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Tagi laulau a Selemia 5:22

Pe kua ke tiaki oki loa matou, Pe kua ke ita loa kia matou o tukupau ?

Esekiele 15:6

Koia e folafola ai le Aliki, le Eteleno, o pati : Ofaipe le laakau o le vite i laakau o le vao, Leia e kau ti ke tutu e le afi, E kau tiaki felaaki loa a kakai o Selusalemi.

Esekiele 30:25

E kau fakamakeke loa a lima o le sau o Papilone, Kae vilo loa ki lalo a lima o Falaone. Ti e lotou iloa loa ko au ko le Eteleno, Mo ka kau tuku loa laku seleta ki le lima o le sau o Papilone, Ti ka siki loa e ia a ia ki le fenua o Esipito.

Esekiele 6:14

E kau siki loa loku lima kia latou, Ti e kau fakaliliu loa le fenua ke toe lavaki ake mo malo ake I le toafa o Tipela, I ganea fuli ala e lotou nonofo ai. Ti e lotou iloa loa ko au ko le Eteleno.

Taniela 9:16

Aliki, o tupu ko lou manava alofa lasi, ke ke fakamaliu kese lou mafaia mo lou sausau mei lou kolo ko Selusalemi, mei lou mauga maokioki ; talie, o tupu ko amatou agasala mo agatuu o omatou tamana, kua luma Selusalemi mo lou kakai i mua o latou ala e takatakai ia matou.

Oseo 14:4

E kau fakamauli loa Iselaele i lana agatuu, E kau alofa maoki loa kia latou ; Talie kua maliu loku sausau ia latou.

Amosi 8:8

Pe leaise lulu loa le fenua o tupu ko latou ? Pe leaise tagi laulau loa le kakai katoa ? E pale ake loa le fenua katoa ofaipe se vaitafe, E malaga loa a ia ki aluga ti e toe ifo loa a ia ki lalo ofaipe le vaitafe o Esipito.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Apakuki 3:10

E lulu a mauga i lalatou tio kiate koe, E fakalofia e ua makeke le kele, E gugulu le moana loloto, E lagai e ia ona galu o kaku ki le lagi.

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Tetelonome 31:18

Kae ko au, e kau fufu loa oku mata i le aso lena, o tupu ko le veli katoa leia na fai e ia, o ano ki ni atua kese.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.