Esaia 5:23 - Tosi Tapu

²³ Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 5:23 ပူးပေါင်းရင်းမြစ်များ

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Lua tosi o Koloniko 19:7

I le lakaga nei, ke nofo ia koutou le i ki le Eteleno, ti ke kotou tokaga ki lakoutou gaoi, talie e leaise maua i le Eteleno, lotatou Atua, se agaveli, mo se filifili mata ki tagata, ti mo se tali o ni nea alofa.

Pesalemo 94:21

E lotou fakatasi ki le mauli o le tagata agatonu, Ti e lotou tautea noa le tagata saosaoa.

Taagapati 17:15

Ko leia e fakamolemole ki le tagata na sala ti mo leia e fakatua ia le tagata na leaise sala E fakalialia toka lua ki mata o le Eteleno.

Taagapati 17:23

Ko le tagata agaveli e tali fakafufu ia ni nea alofa Ke fetogi ai a ala o le faitotonu.

Taagapati 24:24

Ko leia e pati ki le tagata agaveli : E ke agatonu ! E fakamalaia a ia e le kakai, e fakamalaia a ia e atu puleaga.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 10:1

Malaia kia latou ala e tuku ia ni fakatotonu veli, Ti mo latou ala e tosi ia ni lao sala,

Esaia 10:2

Ke aua na fakamaau i le faitotonu le kau mativa, Ti ke fakafiti a tagi a le kau gaegae o loku kakai, Ti ke fakaliliu a fafine lokonui ko alatou nea kai, Ti mo toe sala matua ko olatou koloa !

Esaia 28:7

Kae ko latou foki, kua lotou sisiga i le vino, Ti kua lotou ninimo o tupu ko kava makeke ; Kua sisiga a tagata faisakilifisio mo polofeta i kava makeke, Kua pule le vino kia latou ; Kua lotou maua ni ninimo o tupu ko kava makeke ; Kua lotou sisiga i le faikikite, Kua lotou matuletule i le fai fakamaau.

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Amosi 5:12

Talie, e kau iloa, e lasi akoutou agaveli, Kua liuliuga akoutou agasala ; E kotou fakamamae le tagata agatonu, e kotou tali ni nea alofa, Ti e leaise kotou fakamaau le kau mativa i le faitotonu.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Mateo 23:35

o tupu ke toe vilo kia koutou le toto mea katoa leia kua liligi i le malama nei, kamata mei le toto o Apele ko le tagata agatonu o kaku ki le toto o Sakalia, vosa o Palakia, leia na kotou tamate i le vasa o le fale tapu mo le aletale.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Sakopo 5:6

Kua kotou fakalakasala mo tukipooi le Agatonu, leia na leaise taofi ia koutou.