Esaia 5:20 - Tosi Tapu

²⁰ Malaia kia latou ala e fakaigoa ia le veli ko le malie, ti mo le malie ko le veli, Ala e fetogi ia le fakapouli ko le malama, ti mo le malama ko le fakapouli, Ala e fetogi ia le kona ko le suamalie, ti mo le suamalie ko le kona !

Esaia 5:20 ပူးပေါင်းရင်းမြစ်များ

Sopo 17:12

Ti e lotou pati ki le pouli ko le ao, Ti kua ofi mai le mafoata, kae koi lolotoga le pouli !

Ekesote 23:7

Aua na ke tuku ia loa lou taliga ki ni loi, ti aua na ke fakatuaa loa ki le mate le tagata leia na leaise sala mo le tagata faitotonu ; talie ko au ko le Eteleno, e leaise kau fakamolemole loa ki le tagata leia e sala.

Taagapati 17:15

Ko leia e fakamolemole ki le tagata na sala ti mo leia e fakatua ia le tagata na leaise sala E fakalialia toka lua ki mata o le Eteleno.

Taagapati 4:17

Talie e lotou kai le pane o le agaveli, Ti e lotou inu le vino o le fakamakeke.

Esaia 24:9

E leaise koi sua i le inu o le vino ; Ti kua kona a kava makeke ki le tagata inu.

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Esaia 30:10

Ala e pati ki le kau faikikite : Aua na kotou tio ! Ti ki le kau polofeta : Aua na kotou fakasa mai kia matou ni maoki, Kae koutou fakasa mai kia matou ni nea logologo malie, Kotou kikite ni nea noa !

Esaia 32:5

E leaise toe soli loa ki le tagata valea le igoa ko le tagata aliki, Pe ki le tagata kaka le igoa ko le manava alofa.

Esekiele 13:19

E kotou fakanoai au i mua o loku kakai, Ki ni ga lukuga falina mo ni ga potu pane, O kotou tamate ni laumalie ala e leaise tonu ke mate, Kae kotou fakamauli ni laumalie ala e leaise tonu ke mauli, O kotou kakaai ai loku kakai, leia e fakalogo ki le loi.

Amosi 5:7

Talie kua kotou fakaliliu le lao ko se nea kona, Ti kua kotou takatakafi ki le kele le faitotonu !

Mikea 3:2

E kotou vesia ki le malie, kae e kotou alofa ki le veli ; E kotou foke le kili o le kakai ti e kotou too le kanofi i olatou ivi.

Apakuki 1:4

Koia e leaise koi mauli ai le lao, E leaise koi makeke ai le faitotonu : Talie kua malo le tagata agaveli i le tagata faitotonu, Ti kua salasala a fakamaau.

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 3:15

I le temi nei e motou pati : e manuia ake latou ala e fia taualuga ; Io, e mou koloa ake latou ala e agaveli. Io, e lotou asiasii le Atua, ti e lotou saosaoa !

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.