Esaia 5:2 - Tosi Tapu

² Na fakamaluu loa e ia le kele, Na sau loa e ia a fatu, Ti na to loa e ia i ai se uli vite malie. Na fakatuu loa e ia se tule i loto malie ; Na kenu foki e ia se fa tane tatau vite i ai. Ti na amanaki malie loa a ia e soli loa e ia se fua malie, Kae na tuku loa e ia se fua veli.

Esaia 5:2 ပူးပေါင်းရင်းမြစ်များ

Lua tosi a Samuele 7:10

na kau soli se nofoaga ki loku kakai, ki Iselaele, ti na kau to a ia ke tuumau ti ke aua na toe galulu, ti ke aua na toe fakavelivelii a ia e le kau agaveli ofaipe mua,

Neemia 13:15

I le temi lena, na kau tio loa i Suta ki ni iki na takatakafi i tatauaga vite i le aso o le sapato, ti mo ni iki na fakaulu ia le fulumeto ki fale, ti mo ni iki na fetuku ia i ni asino ni vino, mo ni fuai vite, mo ni fuai fiki, ti mo nea kesekese, o aumai ki Selusalemi i le aso o le sapato ; ti na kau fai loa kia latou ni valoki i aso ala na lotou fakatau ai alatou nea kai.

Pesalemo 80:8

Ei Atua o kau tau, toe fakatuu ake matou ki aluga ! Fakagigila mai ou mata, ti e motou mauli loa !

Pesalemo 80:9

Na ke taaki se vite i Esipito, Na ke kapu ni puleaga, kae na ke to a ia.

Ekesote 33:16

Kapau e leaise ke saele a koe totonu mo matou, pe motou iloa feaki loa kua ke alofa kiate au mo lou kakai ? Pe leaise ko le temi loa leia e ke saele ai loa a koe totonu mo matou, ti e ke fakakese ai loa au mo lou kakai i kakai fuli i aluga o le malama nei ?

Esaia 1:8

Ti kua nofo le taine o Sione Ofaipe se ga fale pola i se faisaga vite, Ofaipe se fale pola i se faisaga kokope, Ofaipe se kolo na takatakai.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Selemia 11:17

Kua aumai kiate koe le malaia e le Eteleno o kau tau, leia na to ia a koe, O tupu ko le agaveli o le fale o Iselaele mo le fale o Suta, Ala na fai ia le nea ke tupu ai loku sausau, o la momoli le iseso kia Paale.

Selemia 2:21

Na kau to a koe ofaipe se vite malie, Leia na to ki se pulapula malie tukupau. Kolea na ke fetogi ai, Na ke liliu ai o veli ofaipe se vite matapule ?

Oseo 10:1

Ko Iselaele ko se vite fua, Leia na soli ia ni fua lasi ai. Kae na lasi ona fua ; Ti na lasi lana liuliuga a aletale ; Kae na lasi le mou koloa o lona fenua, Ti na lasi lana fakafulumalie a fakatata.

Mikea 4:8

Ti ko koe, tule o le kau manu, mauga ikiiki o le taine o Sione, Kiate koe e au loa, kiate koe e soko loa le pule afea, Le puleaga o le taine o Selusalemi.

Numelo 23:9

E kau tio kiate ia mei tumutumu o utu, E kau tio kiate ia mei tumutumu o mauga liliki : Ko se kakai a ia e tuu kese lona nofoaga, Ti e leaise kau a ia ki atu puleaga.

Mateo 21:19

Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Mateo 21:33

Kotou fakalogo mai ki se tasi folafola fakatata. Na i ai se tagata, ko se pule kaiga, leia na to ia loa se vite. Na a takatakai loa e ia le vite, ti na kenu loa e ia se nea tatau vite, ti na fakatuu loa e ia se tule ; ti oki, ti na lue loa e ia lana vite ki ni tagata faivite, ti na mavae loa a ia i le fenua.

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Maleko 11:13

I lana tio mei mamao ki se fiki laulau, na ano loa a ia o tio pe maua i ai se nea ; ti e i lana fakafeofi ki ai, na maua loa e ia ni lau ata, talie e leaise ko le temi a ia o fiki.

Maleko 12:1

Na toe masau loa Sesu kia latou i ni folafola fakatata. Na to loa e se tagata se vite. Ti na takatakai loa e ia a ia ki se a, ti na kenu loa e ia se tatauaga vino, ti na fakatuu loa e ia se tule ; ti na lue loa e ia le vite ki ni tagata faivite, ti na mavae loa a ia i le fenua.

Maleko 12:2

I le temi tau o le vite, na kakau loa e ia se tagata fakasausau ki le kau tagata faivite, o tupu ke maua e ia meia latou sona vaega i le fua o le vite.

Loma 9:4

ala e Iselaele, ala e maua ia le fufui, mo le kololia, mo sai, mo le lao, mo le atolasio, mo fakapapau,

Uluaki tosi ki le kau Kolinto 9:7

Ko ai leia e ano o tau, kae totogi e ia a ia totonu ? Ko ai leia e to ia se vite, kae e leaise kai a ia ki lona fua ? Ko ai leia e tausi ia se kau manu, kae e leaise inu a ia ki le sua u o le kau manu ?

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tuifakamaau 16:4

I le oki o le nea lena, na alofa loa Samisoni ki se fafine i le vaivailiua o Soleki. Ko le igoa o le fafine lena ko Talila.